CCL 2024 Points Table తెలుగు వారియర్స్‌ను వెంటాడిన దురదృష్టం.. ఫైనల్ మ్యాచ్ ఎవరెవరికి అంటే?

Updated: Saturday, March 16, 2024, 20:50 [IST]

దేశవ్యాప్తంగా ప్రతిష్టాత్మకంగా జరుగుతున్న సెలబ్రిటీ క్రికెట్ లీగ్ 2024 ముగింపు దశకు చేరుకొన్నది. మూడు వారాలుగా ఇండియాలోని ప్రధాన నగరాల్లో నువ్వే నేనా? అన్నట్టు.. ప్రొఫెషనల్ క్రికెటర్లకు ఏ మాత్రం తీసిపోకుండా మ్యాచులు రసవత్తరంగా సాగాయి. అయితే ఈ టోర్నమెంట్ చివరి, తుది నాలుగో వారంలో ఆడే మ్యాచుల్లో టైటిల్ విజేత ఎవరనేది డిసైడ్ అయిపోతుంది. ఈ లీగ్‌లో ఎవరెవరు ఎన్ని పాయింట్లు సాధించారు.. మిగితా మ్యాచుల వివరాలు ఏమిటి? అనే వివరాల్లోకి వెళితే..

ఏ జట్టుకు ఎన్ని పాయింట్స్ అంటే?
సీసీఎల్ 10 సీజన్‌లో ఫైనల్ పాయింట్స్ టేబుల్ ఇలా ఉంది.. కర్ణాటక బుల్డోజర్స్ జట్టు 4 మ్యాచులు ఆడి 3 మ్యాచుల్లో విజయం సాధించింది. ఒక మ్యాచ్‌లో ఓటమిపాలైంది. దాంతో 1.37 రన్ రేట్‌తో 6 పాయింట్లతో అగ్రస్థానంలో ఉంది. ఇక రెండో స్థానం విషయానికి వస్తే.. 4 మ్యాచ్‌లు ఆడిన బెంగాల్ టైగర్స్ జట్టు 1 మ్యాచ్‌లో ఓడిపోయి.. 3 మ్యాచుల్లో గెలిచి 6 పాయింట్లతో నిలిచింది. ఇక మూడో స్థానంలో చెన్నై రైనోస్ నిలిచింది. 4 మ్యాచులు ఆడిన ఈ జట్టు మూడు మ్యాచ్‌ల్లో గెలిచి ఒక మ్యాచ్‌లో ఓడిపోయింది. దాంతో చెన్నైకు 6 పాయింట్లు లభించాయి. నాలుగో స్థానంలో నిలిచిన ముంబై హీరోస్ 6 పాయింట్లతో నిలిచింది. 3 గెలిచి.. 1 మ్యాచ్‌లో ఓడిపోయింది.

తెలుగు వారియర్స్‌కు దురదృష్టం
అయితే తెలుగు వారియర్స్ జట్టును దురదృష్టం వెంటాడింది. ఈ టీమ్ 4 మ్యాచులకు గాను.. 3 మ్యాచుల్లో గెలిచి.. 1 మ్యాచ్ ఓడిపోయి 6 పాయింట్లతో టాప్ 4 జట్లతో సరిసమానంగా నిలిచింది. అయితే ముంబై జట్టు 0.462 రన్ రేట్‌తో ఉండగా.. తెలుగు వారియర్ జట్టు 0.456 రన్ రేట్‌తో వెనుకబడింది. దాంతో క్వాలిఫయర్ రౌండ్‌లోకి వెళ్లే అవకాశం మిస్ చేసుకొన్నది.

ఫస్ట్ క్వాలిఫైర్ మ్యాచ్
ఈ టోర్నిలో భాగంగా తిరువనంతపురంలోని క్రికెట్ స్టేడియంలో మొదటి క్వాలిఫైర్ మ్యాచ్ మార్చి 15వ తేదీ మధ్యాహ్నం 2 గంటలకు మొదలవుతుంది. తొలి క్వాలిఫైయర్ మ్యాచ్‌లో కర్ణాటక బుల్డోజర్స్‌తో బెంగాల్ టైగర్స్ పోటీ పడుతుంది. ఈ మ్యాచ్ పోటాపోటీగా జరిగే అవకాశం ఉంది.

ఫస్ట్ ఎలిమినేటర్ మ్యాచ్
సీసీఎల్ 2024 లీగ్‌లో తొలి ఎలిమినేటర్ మ్యాచ్ తిరువనంతపురంలోని స్టేడియంలోనే జరుగుతుంది. ఈ మ్యాచ్‌లో చెన్నై రైనోస్, ముంబై హీరోస్ జట్లు తలపడుతాయి. ఈ మ్యాచ్ మార్చి 15వ తేదీ సాయంత్రం 6.30 గంటలకు జరుగుతుంది.

ఫైనల్ మ్యాచ్ కోసం జట్టు
ఇక రెండో క్లాలిఫైర్ మ్యాచ్‌లో క్వాలిఫయర్ మ్యాచ్ 1 ఓటమి చెందిన జట్టుతో ఎలిమినేటర్ మ్యాచ్ విజేత పోటీపడుతుంది. ఈ మ్యాచ్ తిరువనంతపురంలోనే మార్చి 16వ తేదీన సాయంత్రం 6.30 గంటలకు జరుగుతుంది. ఈ క్వాలిఫయర్ మ్యాచ్ విజేత ఫైనల్‌లోకి దూసుకెళ్తుంది.

ఫైనల్ మ్యాచ్ ఇలా..
ఇక సెలబ్రిటీ క్రికెట్ లీగ్‌ ఫైనల్ మ్యాచ్ విషయానికి వస్తే.. క్వాలిఫయర్ మ్యాచ్ విజేతతో క్వాలిఫయర్ మ్యాచ్ 3 విజేత ఆడుతుంది. ఈ మ్యాచ్‌లో గెలిచిన జట్టు ఈ సంవత్సరం, సీజన్ 10 విజేతగా నిలిచి ట్రోఫిని దక్కించుకొంటుంది.

More from Filmibeat