హోమ్

స్పెషల్

అందాల చందమామ కాజల్ అగర్వాల్‌కు పెళ్లి ఘడియలు వచ్చేశాయ్. నిన్న అంతా కాజల్ పెళ్లి వార్తలు వైరల్ కాగా నేడు కాజల్ ఓ క్లారిటీ ఇచ్చింది. మామూలుగా అయితే నిన్న సాయంత్రమే ఓ హింట్ ఇచ్చేసింది, నిన్న ఉదయం నుంచి వార్తలు వైరల్ కావడంతో సాయంత్రం ఓ లవ్ సింబల్‌ను షేర్ చేసింది. దీంతో కాజల్ పెళ్లి అనే వార్తల్లో నిజం ఉందని ఓ క్లారిటీ వచ్చింది. తాజాగా కాజల్ తనకు కాబోయే భర్త ఎవరు? పెళ్లి ఎప్పుడు అనే వివరాలను అధికారికంగా ప్రకటించింది.

గౌతమ్ కిచ్లూ అనే వ్యాపార వేత్తను పెళ్లి చేసుకోబోతన్నట్టు కాజల్ ప్రకటించింది. ఈ ఇద్దరికి లవ్ అండ్ అరెంజ్డ్ మ్యారెజ్ అని తెలుస్తోంది. ఇక అందాల చందమామను సొంతం చేసుకున్న వారెవరో అంటూ అప్పుడే గూగుల్‌లో వెతుకులాటలు ప్రారంభించేవారు. గౌతమ్ కిచ్లూ సోషల్ మీడియా ఖాతాలను కూడా ఫాలో అవుతున్నారు. అతని డేటా అంతా లాగుతున్నారు.

ఈ క్రమంలో గౌతమ్ కిచ్లూ గురించి కొన్ని విషయాలు తెలిశాయి. గౌతమ్ కేథడ్రల్ అండ్ జాన్ కానన్ స్కూల్ లో చదువుకున్నారట. తర్వాత టఫ్ట్స్ యూనివర్సిటీలో ఆ తర్వాత ఇన్ సీడ్ లో చదువుకున్నారట. గౌతమ్ డిసెర్న్ లివింగ్ అనే ఇంటీరియర్ డిజైనింగ్ స్టూడియోకి ఫౌండర్ అట. డిసెర్న్ లివింగ్ మొదలు పెట్టక ముందు, ఫ్యాబ్ ఫర్నిష్ కి వైస్ ప్రెసిడెంట్ గా, అలాగే లైఫ్ స్టైల్ బ్రాండ్ - ద ఎలిఫెంట్ కంపెనీ కి సీఈఓ గా ఉన్నారట. మొత్తానికి గౌతమ్ కిచ్లూ మాత్రం రాత్రికి రాత్రే ఫేమస్ అయ్యాడు.