సూర్య 'సింగం'ను 5 సార్లు చూసిన వృద్ధమహిళ..!?

స్టుడియో గ్రీన్ పతాకంపై, సూర్య హీరోగా, అనుష్క హీరోయిన్ గా హరి దర్శకత్వంలో జ్ఝానవేల్ రాజా, బిగ్ పిక్చర్స్ తో కలసి నిర్మించిన తమిళ చిత్రం 'సింగం" ఈ చిత్రం తమిళ నాడులో అద్భుతమైన విజయాన్ని సాధించింది. ఈ చిత్రంలో హీరోగా నటించిన సూర్యతో 65 యేళ్ళ వయసున్న ఒక వృద్ధ మహిళ 'బాబూ నీవు నటించిన 'సింగం" చిత్రాన్ని నేనిప్పటికి అయిదు సార్లు చూశాను. ఇంకా చాలా సార్లు చూస్తాను. నాకు ఆ సినిమా అంత బాగా నచ్చింది" అన్నదట. అంతే కాక సూర్యకు హైదరాబాద్ ఎయిర్ పోర్టులో ఒక అయిదేళ్ళ పిల్లాడు 'సింగం" మెహెందీ చేతికి పెట్టుకుని కనిపించాడట. ఈ చిత్రం ప్రమోషన్ కోసం హైదరాబాద్ వచ్చిన హీరో సూర్య మీడియాతో ఈ విషయాన్ని చెప్పారు.