'గాలిశీను' గా రవికృష్ణ!!

By Staff

Published: Wednesday, March 11, 2026, 16:54 [IST]

తెలుగులో మంచి సినిమాగా పేరు తెచ్చుకోవటమే గాక కమర్షియల్ విజయాన్ని సాధించిన సినిమా 'గమ్యం'. తాజాగా ఈ సినిమాను తమిళ్ లో Kadhalna Summa Illa పేరట రీమేక్ చేస్తున్నారు. తెలుగులో అల్లరి నరేష్ వేసిన గాలిశీను పాత్రను రవికృష్ణ పోషించనున్నాడు. భారీ చిత్రాల నిర్మాత కుమారుడైన రవికృష్ణ గతంలో 'సెవన్ బై జీ బృందావన కాలనీ' చిత్రంలో నటించాడు. ఇక తెలుగులో ఈ మధ్య 'భాగమ్ భాగ్' ఆధారంగా రూపొందిన 'బ్రహ్మానందం డ్రామా కంపెనీ' లో కనిపించాడు. ఫేసులో ఏ విధమైన ఎక్సప్రెషన్స్ కి చోటివ్వకుండా నటించే అతనికి జోష్ గా తిరిగే గాలిశీను పాత్రకు ఎంపిక చేయటం చాలా మందిని ఆశ్చర్య పరుస్తోంది.

ఇక శర్వానంద్ ,కమలినీ తమ తమ పాత్రలను తమిళంలోనూ పోషించనున్నారు. ఈ చిత్రాన్ని Illankannan అనే దర్శకుడు డైరక్ట్ చేయనున్నాడు. రాజ్ టెలివిజన్ నెట్ వర్క్స్ వారు నిర్మిస్తున్న ఈ చిత్రానికి ఎ.ఎమ్.రత్నం ప్రొడక్షన్ ఇన్ ఛార్జ్ గా వ్యవహరించనున్నాడు.ఈ సినిమా కోసం ప్రసాద్ స్టూడియోస్ లో సెట్స్ వేయనున్నారు. ఈ ఆనందాన్ని మీడియా తో పంచుకుంటూ రవికృష్ణ ఈ సినిమా మరో కాదల్ (ప్రేమిస్తే ) వంటి దవుతుందంటున్నాడు. ఇక ఈ చిత్రం సెప్టెంబర్ నుండి సెట్స్ పైకి వెళ్ళనుంది.

More from Filmibeat