ఫర్మిషన్ తీసుకున్నారా... అజిత్ జీవితంపై సినిమా

చెన్నై: స్టార్ హీరోల జీవితంపై సినిమా చేయటం సాహసమే. ఎందుకంటే అభిమానులుని మెప్పించే అంశాలను ఏర్చి కూర్చి చేయాలి. వారి మనోభావాలు ఏ మాత్రం హర్ట్ అయినా సినిమాకి దెబ్బే. అందుకే జీవించి ఉన్న స్టార్ హీరోల జీవితాలపై సినిమాలు చేయటానికి ఆసక్తి చూపించారు.

అయితే ఈ తరహా సినిమాలతో ఓ సుఖం ఉంది. ఆ హీరో అభిమానులంతా వెళ్లి ఒకసారి అయినా చూసి వస్తారనే భరోసా తో బిజినెస్ అయ్యిపోతుంది. అజిత్ అభిమానులు గత కొద్ది ఏళ్లుగా నాలుగైదు రెట్లు పెరిగారు. దాన్ని క్యాష్ చేసుకునే ప్రయత్నమో మరేమో కానీ సినిమా మాత్రం మొదలు అవుతోంది.

అందుతున్న సమాచారం ప్రకారం కెఎమ్ తేజాస్ అనే దర్శకుడు అజిత్ జీవితం ఆధారంగా ఈ చిత్రాన్ని తెరకెక్కిస్తున్నాడు. తేజాస్ ఈ సినిమాలో యువ అజిత్ గా కనిపించి అలరిస్తాడు. కెమెరామెన్ గుణశీలన్ ఈ చిత్రం కెమెరా వర్క్ చేస్తారు. అతి త్వరలోనే ఈ చిత్రం సెట్స్ మీదకు వెళ్లనుంది.

ఇక ఇవన్నీ ప్రక్కన పెడితే ఈ మధ్యనే ఆపరేషన్ చేయించుకున్న అజిత్ ..రెస్ట్ లో ఉన్నారు. ఆయన మే నెల నుంచి దర్శకుడు శివ దర్శకత్వంలో సినిమా మొదలెడతారు. ఆ సినిమా తర్వాత బిళ్లా దర్శకుడు విష్ణు వర్దన్ దర్శకత్వంలో చిత్రం ప్రారంభం కానుంది.