Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
షూటింగులో గాయపడిన విశాల్.. 100 ఫైటర్లు ఎటాక్ చేయడంతో..
తమిళ హీరో విశాల్ షూటింగులో గాయపడ్డారు. వినోద్ కుమార్ దర్వకత్వంలో తెరకెక్కుతున్న చిత్రం లాఠీ సినిమా షూటింగుకు సంబంధించిన క్లైమాక్స్ సన్నివేశాల చిత్రీకరణ సమయంలో ఈ ప్రమాదం జరిగింది. అయితే విశాల్ గాయపడటంతో చిత్ర యూనిట్ షూటింగును వాయిదా వేశారు.
ఆగస్టు 12వ తేదీన రిలీజ్కు సిద్దమవుతున్న ఈ చిత్రానికి సంబంధించిన యాక్షన్ సీన్లను 100 ఫైటర్లతో చిత్రీకరిస్తున్నారు. వందమంది విశాల్ క్యారెక్టర్ను ఎటాక్ చేయాల్సింది. అయితే ఫైటింగ్ సన్నివేశాల్లో యాక్సిడెంటల్గా విశాల్ కాలిపై ఫైటర్ గట్టిగా కొట్టారు. దాంతో ఆయనకు స్వల్ప గాయమైంది. షూటింగ్ ప్రాంతంలోనే విశాల్ కిందపడిపోయాడు.
షూటింగ్ స్పాట్లో గాయపడిన వెంటనే విశాల్ను హాస్పిటల్కు తరలించారు. వైద్యులు పరీక్షించిన అనంతరం ఎలాంటి ఫ్రాక్చర్ లేదని చెప్పారు. అయితే నిలబడేందుకు కష్టపడుతున్నాడు కాబట్టి.. విశాల్కు కొద్ది రోజులు విశ్రాంతి అవసరం అని చెప్పారు.
ఇటీవల కాలంలో విశాల్ గాయపడటం ఇది రెండోసారి. గతంలో హైదరాబాద్లో ఓ షూటింగు సమయంలో విశాల్ గాయపడ్డాడు. అయితే ఆ షూటింగులో భారీ ప్రమాదం నుంచి విశాల్ తప్పించుకొన్నాడు.