For Quick Alerts
    ALLOW NOTIFICATIONS  
    For Daily Alerts

    భువనేశ్వరి అరెస్టు..తప్పించుకోవటానికి హై డ్రామా

    By Srikanya
    |

    చెన్నై: తాగి గొడవ చేసి కేసులో ఇరుక్కున్న నటి భువనేశ్వరని మొత్తానికి పోలీసులు అరెస్టు చేసారు. అయితే ఈ అరెస్టుకు ముందు భువనేశ్వరి సినీ ఫక్కీలో నాటకానికి తెరతీసింది. తాను అసలు భువనేశ్వరినే కాదని తప్పించుకోవాలని చూసింది. అయితే ఆమె పప్పులేమీ ఉడకలేదు. ఆమెను పూర్తి ఆధారాలతోనే అరెస్టు చేస్తున్నామని,పోలీసులు గట్టి పట్టుతో అరెస్టు చేసారు.

    సినిమా థియేటర్‌లో ఓ వ్యక్తిపై దాడికి పాల్పడిన కేసుకు సంబంధించి నటి భువనేశ్వరిని వేలూరులో పోలీసులు మంగళవారం అరెస్టు చేశారు. భువనేశ్వరి ఈంజంబాక్కంలోని ఓ థియేటర్‌కు ఆదివారం రాత్రి దామోదరకృష్ణన్‌ అనే వ్యక్తితో వెళ్లింది. అక్కడ సేలైయూరుకు చెందిన కుమార్‌తో వీరికి వాగ్వాదం జరిగింది. ఇంతలో అక్కడికి చేరుకున్న భువనేశ్వరి అనుచరులు కుమార్‌పై దాడికి పాల్పడ్డారు. కుమార్‌ ఫిర్యాదు మేరకు పోలీసులు కేసు నమోదు చేసుకుని వలసరవాక్కంకు చెందిన దామోదరన్‌, మణి, రాజేష్‌, కవిన్‌, గోపి, శంకర్‌ను అరెస్టు చేశారు.

    ఈ కేసుకు సంబంధించి భువనేశ్వరి కోసం గాలింపు చర్యలు చేపట్టారు. ఈ నేపథ్యంలో ఆమె చెన్నై నుంచి బెంగళూరుకు తప్పించుకుని వెళ్లేందుకు యత్నిస్తున్నట్లు పోలీసులకు సమాచారం అందింది. వెంటనే హైవే విభాగ పోలీసులు అప్రమత్తమయ్యారు. ఆంబూరు సమీపం కన్నికాపురం ప్రాంతంలో మంగళవారం కారులో వెళ్తున్న భువనేశ్వరిని గస్తీ పోలీసులు అడ్డుకున్నారు. ఆమెను అదుపులోకి తీసుకోగా.. తాను భువనేశ్వరిని కాదంటూ ఆమె బుకాయించింది. తన పేరు శివానీ అని పేర్కొంటూ తప్పించుకునేందుకు విఫలయత్నం చేసింది. అరెస్టు చేసి ఆమెను చెన్నై నీలాంగరై పోలీసులకు అప్పగించారు. విచారణ కొనసాగుతోంది.

    English summary
    Telugu Actress Bhuvaneswari was arrested on last night by the Chennai police on allegations of drinking and dancing at road.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X