ఫ్లైట్ పై అంతా రజనీ బొమ్మలే, ఇలాంటిది ఇదే తొలిసారి (ఫొటోలు)

By Srikanya

Updated: Thursday, June 30, 2016, 14:46 [IST]

హైదరాబాద్ : రజనీకాంత్ తాజా చిత్రం కబాలి' ప్రతీ విషయంలోనూ తనదైన శైలిలో ముందుకు వెళ్తోంది. తాజాగా ఈ చిత్రం ఫస్ట్‌ డే ఫస్ట్‌ షోనే చూడాలనుకునే అభిమానుల కోసం ఆ చిత్ర నిర్మాతలు ఓ ప్రత్యేక అవకాశాన్ని కల్పించారు. ఈ మేరకు ఓ ఫ్లైట్ ని ముస్తాబు చేసారు.

'కబాలి' చూడ్డానికొచ్చేవారి కోసం బెంగళూరు నుంచి చెన్నైకి విమానాన్ని ఏర్పాటు చేశారు. దీని కోసం ఎయిర్‌ ఏసియా విమాన సంస్థతో ఒప్పందం కుదుర్చుకున్నారు. విమానం టికెట్‌తో పాటు 'కబాలి' టికెట్‌, ఆడియో సీడీ, భోజనం తదితర సౌకర్యాలు అందిస్తారట. ఈ ఆఫర్‌కు విశేష స్పందన వస్తోంది.

రజనీకాంత్ నటించిన కబాలి సినిమా పట్ల ప్రేక్షకుల ఆసక్తి బాగా పెరిగిన నేపథ్యంలో ఈ థీమ్‌తో 'ప్లై లైక్‌ ఎ సూపర్‌ స్టార్‌' ప్రమోషన్‌ ఆఫర్‌ను తెచ్చినట్టు ఎయిర్‌ ఆసియా ఇండియా సిఇఒ అమర్‌ అబ్రోల్‌ తెలిపారు. 'కబాలి'తో ఈ కంపెనీ ఇటీవలే టైఅప్‌ కుదుర్చుకున్న విషయం తెలిసిందే.

దేశీయంగా కొన్ని గమ్యస్థానాలకు 786 రూపాయల (అన్ని పన్నులు కలిపి) ప్రారంభ ధరతో వన్‌వే ప్రయాణం చేసే విధంగా ఎయిర్‌ ఆసియా సరికొత్త ప్రమోషనల్‌ ఆఫర్‌ను ప్రకటించింది. ఈ ఆఫర్‌ కింద జూలై 3వ తేదీ వరకు టికెట్లు బుక్‌ చేసుకోవచ్చు.

కబాలి సినిమా కోసం బెంగళూరు నుంచి చెన్నైకు రిలీజ్ రోజు ఎయిర్ ఎసియా బయలుదేరనుంది. ఆ రోజు ఉదయం ఆరు గంటల పది నిమిషాలకు బెంగ‌ళూరు నుంచి బ‌య‌లుదేరి చెన్న‌ైకి ఫ్లైట్ ఏడు గంటల పది నిమిషాలకు చేరుకుంటుంది.

స్లైడ్ షోలో ఫొటోలు చూడండి..

విమాన టిక్కెట్‌తో పాటు...

క‌బాలి మూవీ టిక్కెట్, ఆడియో సీడీ, బ్రేక ఫాస్ట్, మ‌ధ్యాహ్నం లంచ్, స్నాక్స్, కూల్ డ్రింక్స్... ఉంటాయి

ఇవికాకయ....

చెన్న‌ై విమానాశ్రయం నుంచి సినిమా థియేట‌ర్‌కు ర‌వాణా సౌకర్యాలు కూడా ఏర్పాటు చేశారు. సినిమా కోసం ఇలా ప్రత్యేక విమానం తొలిసారి కావొచ్చు.

ప్రమోషన్ ఆఫర్

అయితే ఇది ఎన్నో ట్రిప్ లు తిరగదు. కేవలం తమ దగ్గరకు వచ్చిన వారిలో లాటిరీ తీస్తారని తెలుస్తోంది.

ఏజెడ్

‘కబాలి'లో వయసు పైబడిన మాఫియా డాన్‌గా సూట్‌లు, నెరిసిన గడ్డంతో రజనీ గెటప్‌ ఆకట్టుకుంటోంది. అను వర్ధన్‌ అనే అమ్మాయి రజనీకి కాస్ట్యూమ్స్‌ డిజైన్‌ చేసింది.

ట్రెండీగా

లండన్‌లోని ఓ ప్రముఖ స్టోర్‌ నుంచి కాస్ట్యూమ్స్‌కు కావాల్సిన ముడి వస్త్రాలు కొనుగోలు చేశారట.

లోకల్ స్టోర్స్ నుంచి

మలేసియాలో జరిగే సన్నివేశాల కోసం అక్కడి ట్రెండ్స్‌ను ప్రతిబింబించేలా లోకల్‌ స్టోర్స్‌లో నుంచే కాస్ట్యూమ్స్‌ తెప్పించారట.

కుతు డాన్స్

ఈ చిత్రంలో రజనీ కుతు అనే తమిళ సంప్రదాయ నృత్యం చేసే సన్నివేశం ఉందట. రజనీ స్టెప్పులు అభిమానులను అలరిస్తాయని అంటున్నారు.

యాప్

‘కబాలి' కోసం ప్రత్యేక యాప్‌ను రూపొందించారు. ఇందులో ‘కబాలి'కి సంబంధించిన చిత్రవిశేషాలు అందించారు.

కీఛైన్స్

అమెజాన్‌ ద్వారా ‘కబాలి' థీమ్‌ కీచైన్లు, మైనపు బొమ్మలు అమ్మకానికి ఉంచడానికి చిత్రబృందం సన్నాహాలు చేస్తోంది.

మంచి రెస్పాన్స్

పా రంజిత్‌ తెరకెక్కించిన ‘కబాలి' తెలుగు ఆడియో విడుదల హైదరాబాద్‌లో ఈనెల 26న జరగింది. మంచి రెస్పాన్స్ వచ్చింది.

జపాన్ లోనూ

రజనీ మానియా విదేశాలకూ పాకింది. గతంలో రజనీ చిత్రాలకు జపాన్‌ తదితర దేశాల్లో మంచి ఆదరణ దక్కింది. ఇప్పుడు ‘కబాలి' మరిన్ని దేశాల్లో సంచలనాలు చేయడానికి సిద్ధమవుతోంది.