Don't Miss!
- News ఈ అభిమానమే రఘురామ రాజుకు సీటు దూరం చేసింది..!!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- Automobiles సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
అజిత్ సినిమాకు భారీ రేటు: ‘వాలిమై’ తెలుగు రైట్స్ తీసుకున్న టాలీవుడ్ బడా ప్రొడ్యూసర్
పేరుకు తమిళ చిత్ర పరిశ్రమకు చెందిన హీరోనే అయినా.. దేశ వ్యాప్తంగా ఫ్యాన్ ఫాలోయింగ్ను సంపాదించుకున్నాడు విలక్షణ నటుడు అజిత్ కుమార్. సుదీర్ఘ కాలంగా స్టార్ హీరోగా వెలుగొందుతోన్న ఆయన.. దక్షిణాదిలోని అన్ని భాషల్లోనూ తన సినిమాలను విడుదల చేస్తూ మంచి మార్కెట్ను అందుకున్నారు. ఈ కారణంగానే ఆయన చేస్తున్న ప్రతి సినిమాను తమిళంతో పాటు తెలుగు, కన్నడ, మలయాళ భాషల్లో విడుదల చేస్తున్నారు. ఈ నేపథ్యంలోనే అజిత్ తాజా చిత్రం 'వాలిమై'ను తెలుగు హక్కులను ఓ బడా ప్రొడ్యూసర్ కొనుగోలు చేసినట్లు సమాచారం.
'నెర్కొండ పార్వాయి' వంటి భారీ హిట్ తర్వాత అజిత్ కుమార్ నటిస్తున్న చిత్రం 'వాలిమై'. హెచ్ వినోద్ తెరకెక్కిస్తోన్న ఈ సినిమాను బోనీ కపూర్ నిర్మిస్తున్నాడు. ఎన్నో అంచనాలు ఉన్న ఈ చిత్రం ఓవర్సీస్.. తెలుగు హక్కుల కోసం పోటీ నెలకొని ఉంది. తాజాగా ఈ సినిమాకు సంబంధించిన విడుదల హక్కులు అమ్ముపోయాయని తెలిసింది. ఈ నేపథ్యంలో ఓవర్సీస్ హక్కులను యునైటెడ్ ఇండియా ఎక్స్పోర్ట్ సంస్థ రూ. 20 కోట్లకు కొనగోలు చేసిందట. అలాగే, తెలుగు రైట్స్ను టాలీవుడ్ బడా ప్రొడ్యూసర్ రూ. 10 కోట్లకు కొన్నారని సమాచారం.
ఎంతో ప్రతిష్టాత్మకంగా రూపొందుతోన్న ఈ సినిమాలో అజిత్ కుమార్ రెండు విభిన్నమైన పాత్రల్లో కనిపించబోతున్నాడని ప్రచారం జరుగుతోంది. అందులో ఒకటి మధ్య వయస్కుడి పాత్ర కాగా, మరొకటి బైక్ రేసర్ రోల్ అని అంటున్నారు. ఈ పాత్రపై యాక్షన్ సీన్స్ తెరకెక్కిస్తోన్న సమయంలోనే అజిత్ గాయపడ్డ విషయం తెలిసిందే. ఇదిలా ఉండగా... ఇందులో బాలీవుడ్ నటి హుమా ఖురేషి కథానాయికగా నటిస్తుండగా.. తెలుగు యువ హీరో కార్తికేయ నెగెటివ్ రోల్ చేస్తున్నారు. ఈ చిత్రం 2021 వేసవి కానుకగా విడుదలయ్యే అవకాశం ఉంది.