twitter
    For Quick Alerts
    ALLOW NOTIFICATIONS  
    For Daily Alerts

    ద్విపాత్రాభినయంతో మురుగదాస్ నెక్స్ట్ చిత్రం

    By Srikanya
    |

    చెన్నై : అజిత్‌, మురుగదాస్‌ కలయికలో భారీ విజయాన్ని సొంతం చేసుకున్న చిత్రం 'దీనా'. ఈ సినిమా నుంచే అజిత్‌కు 'తల' అనే ముద్దుపేరు మొదలైంది. ఇద్దరికీ పరిశ్రమలో గుర్తింపు కూడా తెచ్చిపెట్టింది. ఆ మధ్య కొన్ని కథలను అజిత్‌ కోసం మురుగదాస్‌ సిద్ధం చేసుకున్నా ఆయన సున్నితంగా తిరస్కరించారు. ఈ నేపథ్యంలో మరో కొత్త అంశాన్ని ఇటీవల అజిత్‌కు వినిపించారు.

    కథ నచ్చి వెంటనే అంగీకరించడంతో మురుగదాస్‌ ఆనందంలో మునిగి తేలుతున్నాడు. ఇందులో అజిత్‌ ద్విపాత్రాభినయం పోషిస్తున్నట్లు సమాచారం. ఇదివరకు ఆయన రెండుపాత్రల్లో కనిపించినవి చక్కటి వసూళ్లు రాబట్టాయి. వాటిలో 'వాలి', 'విల్లన్‌', 'వరలారు' వంటివి ఉన్నాయి. ఆ జాబితాలో ఇది కూడా చేరుతుందని అభిమానులు ఆశాభావం వ్యక్తం చేస్తున్నారు.

    మరో ప్రక్క కార్తీతో 'సిరుత్త్తె' లాంటి భారీ ప్రాజెక్టు రూపొందించిన శివ దర్శకత్వంలో అజిత్‌ నటించనున్న సంగతి తెలిసిందే. ఈ చిత్రం యాక్షన్ ఎంటర్టైనర్ గా, మాస్ ప్రేక్షకులను అలరించేదిగా ఉంటుందని చెప్తున్నారు. శివ తెలుగులో రీసెంట్ గా దరువు చిత్రం చేసారు. తాప్సీ, రవితేజ కాంబినేషన్ లో వచ్చిన ఆ చిత్రం డిజాస్టర్ అయ్యింది. యమలోకం నేపధ్యంలో రూపొందిన ఆ చిత్రం సోషియో ఫాంటసీ అయినా ప్రేక్షకులకు ఆ మేరకు వినోదం పంచలేకపోయింది. అరవ వాసన ఎక్కువైందని విమర్శులు రావటం కూడా సినిమాకు మైనస్ గా మారింది. దాంతో శివ తన మకాంని తమిళంకు మార్చారు.

    అజిత్‌ ప్రస్తుతం వరుసపెట్టి చిత్రాలు చేస్తున్నాడు. మరికొద్ది రోజుల్లోనే కొత్త సినిమా షూటింగ్‌లో పాల్గొనేందుకు సిద్ధమయ్యాడు. ఎలాంటి వెన్నుదన్ను లేకుండా వెండితెరపైకి వచ్చి కోట్లాదిమంది అభిమానులను సంపాదించుకున్నాడు. ఎవరి కోసమూ తన వ్యక్తిత్వాన్ని వదులుకోని అజిత్‌ తనకెంతో ఇష్టమైన బైక్‌రేస్‌లకు అధిక ప్రాధాన్యం ఇచ్చాడు. ఈ కారణంగా ఒకదశలో ఆయన సినిమాల మధ్య చాలా విరామమే వచ్చింది. అయితే అభిమానులు, నిర్మాతలను దృష్టిలోకి తీసుకుని తన పంథా మార్చుకున్నాడు. పూర్తిగా వెండితెరకే అంకితమైపోయాడు.

    English summary
    AR Murugadoss, who will be teaming up with Ajith Kumar after 12 years, seems to be having an interesting script in hand. Well, the director has written a script, which will show the Thala in dual roles in their forthcoming Tamil film.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X