దేవుడి పటాల పక్కనే శ్రీదేవి ఫోటో... అజిత్ కొత్త సినిమా ప్రారంభోత్సవం (ఫోటోస్)

లాయర్ పాత్రలో అజిత్

లైంగిక దాడులు జరిగినపుడు నిందితులకు బదులు బాధితులను ఈ సమాజం బ్లేమ్ చేసే తీరును ఎండగడుతూ ‘పింక్' చిత్రం సాగుతుంది. ఇందులో అమితాబ్ లాయర్ పాత్రలో, తాప్సీ లైంగిక దాడికి గురైన బాధితురాలిగా నటించింది. తమిళ రీమేక్‌లో అమితాబ్ పాత్రను అజిత్ పోషించనున్నట్లు తెలుస్తోంది.

అజిత్‌తో సినిమా చేయాలని శ్రీదేవి ఆశపడింది

అజిత్‌తో ఈ చిత్రం చేయడంపై బోనీ కపూర్ మాట్లాడుతూ... ‘గతంలో అజిత్‌తో ‘ఇంగ్లిష్ వింగ్లిష్' చిత్రానికి కలిసి పని చేశాను. ఆ సమయంలోనే శ్రీదేవి.. అజిత్ హీరోగా మా బేనర్లో తమిళ సినిమా చేయాలని ఆశపడింది. పింక్ రీమేక్ గురించి అజిత్ ప్రతిపాదించడంతో వెంటనే శ్రీదేవి అంగీకరించింది. ఈ చిత్రం తమిళంలో ఒక మంచి చిత్రంగా నిలుస్తుందని చెప్పింది' అని గుర్తు చేసుకున్నారు.

యువన్ సంగీతం

ఈ చిత్రానికి యువన్ శంకర్ రాజా సంగీతం అందించబోతున్నారు. గతంలో యువన్ అజిత్ నటించిన దీనా, బిల్లా, బిల్లా 2, ఆరంభం తదితర చిత్రాలకు సంగీతం అందించారు.

అజిత్

అజిత్ నటించిన ‘విశ్వాసం' చిత్రం త్వరలో విడుదకు సిద్ధమవుతోంది. శివ దర్శకత్వం వహించిన ఈ యాక్షన్, మాస్ ఎంటర్టెనర్లో నయనతార హీరోయిన్. సత్యజ్యోతి ఫిల్మ్స్ నిర్మించగా వచ్చే సంక్రాంతికి విడుదలకు సిద్దమవుతోంది.