Click it and Unblock the Notifications
ఫ్లాపుల దెబ్బకు కొత్త హీరోలైనా సై అంటోంది
నాకు కథే ముఖ్యం కాని.. హీరో కాదు. సో కొత్త హీరోల సరసన నటించేందుకు కూడా సిద్ధమే అని తన నిర్ణయాన్ని ప్రకటించింది అమలాపాల్. 'మైనా'తో మెప్పించిన అమలాపాల్పై కోలీవుడ్లో అంచనాలు ఏర్పడ్డాయి. అయితో ఎన్నో అంచనాలతో వచ్చిన 'తలైవా' (అన్న)అమ్మడ్ని నిరాశపర్చటంతో పాటు, భారీగా వస్తాయనుకున్న అవకాశాలూ వచ్చి చేరలేదు. ప్రస్తుతం అవకాశాలు తక్కువైన నేపథ్యంలో కథ నచ్చితే కొత్త హీరోలతో నటించేందుకై సై అని చెబుతోంది.
అమలాపాల్ మాట్లాడుతూ.. తమిళం, తెలుగు, మలయాళం అంటూ మూడు చిత్రాల్లో నటిస్తున్నాను. ఏ భాషలో నటించినా మంచి చిత్రాల్లో నటించాలన్నదే నాకు ముఖ్యం. అటువంటి కథలు వచ్చినప్పుడు హీరోకు ప్రాధాన్యత ఇవ్వను. కొత్త హీరో సరసనైనా నటించేందుకు సిద్ధంగా ఉన్నానని చెప్పుకొచ్చింది.
నాన్న, ఇద్దరమ్మాయిలతో ,బెజవాడ, లవ్ ఫెయిల్యూర్, నాయిక్ చిత్రాలతో తెలుగువారికి దగ్గరైన హీరోయిన్ ...అమలా పాల్. అయితే ఆమెకు తెలుగు నుండి ఆమెకు సరైన ఆఫర్స్ రావటం లేదు. దాంతో తమిళం వైపే మళ్లీ మ్రొగ్గుచూపింది. తాజాగా తమిళ తెరపై ప్రభంజనం సృష్టిస్తున్న హీరో శివకార్తికేయన్ తో ఆమె కమిటైంది. శివ తొలిసారిగా పోలీసు అధికారి పాత్రలో నటిస్తున్నాడు. తరచూ హాస్య పాత్రల్లో కనిపిస్తున్న తాను.. భిన్నంగా కనిపించాలనే ఈ సినిమా ఒప్పుకున్నట్లు సమాచారం. అలాగే మోహన్ లాల్ తో ఓ మళయాళ చిత్రం సైతం కమిటైంది.
ప్రేమఖైదీ' చిత్రంతో తెలుగు తెరకు పరిచయమైన కోచ్చి సుందరి అమలాపాల్. ఆ చిత్రంలో ఓ గ్రామీణ యువతి పాత్రలో సహజసిద్ధంగా నటించి మెప్పించింది ఈ సుందరి. ఈ సినిమా విడుదలకు ముందే నాగచైతన్యతో 'బెజవాడ'లో నటించే అవకాశం సైతం దక్కించుకుందీ భామ. ఇతర కథానాయకల్లా గ్లామరస్ పాత్రలకే పరిమితం కాకుండా నటనకు ఆస్కారమున్న స్క్రిప్టులను ఎంపికచేసుకుని తెలివిగా ముందడుగేస్తోందీ సుందరి.
తొలిచిత్రంతోనే జాతీయ అవార్డ్ అందుకోవడమే గాకుండా ప్రతిష్ఠాత్మక ఫిలింఫేర్కు కూడా నామినేట్ అయ్యింది. ఇటీవల 'దైవ తిరుమగల్'తో తమిళంలో విజయాన్ని నమోదుచేసుకుంది. అదే సినిమా తెలుగులో 'నాన్న'గా విడుదలై ..ఇక్కడా గుర్తింపును పెంచింది. ఇద్దరమ్మాయిలతోనూ ఆమెకు మంచి గుర్తింపు వచ్చింది. తర్వాత చేసిన నాయిక్ సినిమా ఆమెకు మంచి పేరు తెచ్చి పెట్టింది.
Continue with Google