Don't Miss!
- News పవన్ అప్పుల చిట్టా రూ. 46,70,00,000: `వదిన` దగ్గర పర్సనల్ లోన్
- Sports CSKకి కొత్త సమస్య.. ప్లేఆఫ్స్ చేరాలంటే ఎలా?
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Automobiles వందేళ్ల వయసులో తాత జోరు.. 50 ఏళ్ల ప్రీమియర్ పద్మినిలో షికారు.. వీడియో చూసేయండి
- Technology అద్భుతమైన డిజైన్ తో నోకియా కొత్త ఫోన్ Nokia N90 Flip ! వివరాలు
- Lifestyle నిద్రపోకపోతే వచ్చే సమస్యలివే.. తీవ్రంగా హెచ్చరిస్తున్న పరిశోధకులు..!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
విజయ్ సేతుపతితో రొమాన్స్కు అమలాపాల్ నో.. కారణం ఏమిటంటే!
దక్షిణాది హీరోయిన్ అమలాపాల్ మళ్లీ ట్రాక్లో పడినట్టు కనిపిస్తున్నది. ఇటీవల విడుదలైన ఆడై టీజర్తో ఆమె మళ్లీ టాప్ గేర్లో స్పీడ్ పెంచిందనే ఫీలింగ్ కలుగుతున్నది. ఆడై టీజర్లో ఆమె ఫెర్ఫార్మెన్స్కు సినీ విమర్శకులు, ప్రేక్షకుల నుంచి మంచి స్పందన లభిస్తున్నది. ఈ క్రమంలో విజయ్ సేతుపతి సినిమా నుంచి అమలాపాల్ తప్పుకొన్నట్టు కోలీవుడ్లో ప్రచారం జరుగుతున్నది. దాంతో డైరెక్టర్ వెంకట కృష్ణ రొగత్ సందిగ్ధంలో పడినట్టు సమాచారం.
విజయ్ సేతుపతి సినిమా నుంచి తప్పుకోవడానికి డేట్స్ సమస్యే కారణమని తెలుస్తున్నది.దాంతో అమలాపాల్ స్థానంలో మరొకరిని భర్తీ చేసేందుకు ప్రయత్నిస్తున్నారు. తాజా సమాచారం ప్రకారం యువ హీరోయిన్ మేఘా ఆకాశ్ను ఎంపిక చేసినట్టు సమాచారం. ఊటీలో జరిగే షూటింగ్లో పాల్గొంటున్నట్టు వార్తలు వస్తున్నాయి. కానీ అధికారికంగా ఎలాంటి సమాచారం వెల్లడించలేదు.
తమిళంలో మేఘా ఆకాశ్ మంచి జోరులో ఉన్నారు. పెట్టా, వంత రావతన్ వారవెన్ చిత్రాలతో క్రేజ్ను పెంచుకొన్నారు. వాస్తవానికి గౌతమ్ మీనన్ చిత్రం ఎనై నోకి పాయుమ్ తోట చిత్రంపై మేఘా ఆకాశ్ ఆశలు పెట్టుకొన్నారు. కానీ ఆర్థిక కారణాల వల్ల ఆ సినిమా ఆగిపోవడంతో కెరీర్కు కొంత బ్రేక్ పడింది. అలాగే లై, చల్ మోహన రంగా చిత్రాలు అంతగా ఆశాజనకంగా ఆడకపోవడం కూడా ఇబ్బందిగా మారింది.