Don't Miss!
- Travel వేసవిలో సందర్శించేందుకు దేశంలోని బెస్ట్ ఆఫ్బీట్ హిల్ స్టేషన్లు ఇవే..
- News జగన్ Vs పవన్, సమర్ధతకు పరీక్ష - దక్కేదెవరికి..!!
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
మాజీ భర్తకు రెండో పెళ్లి.. అమలా పాల్ మనస్తాపం.. షూటింగ్ వదిలేసి..!
Recommended Video
అందాల తార అమలా పాల్ మాజీ భర్త, దర్శకుడు ఏఎల్ విజయ్ రెండో పెళ్లికి సిద్ధమవుతున్నారనే వార్త దక్షిణాది చిత్ర పరిశ్రమలో వైరల్గా మారింది. అమలా పాల్తో వ్యక్తిగత విభేదాలు తలెత్తడంతో కొద్దికాలంగా వారు విడిపోయి వేర్వేరుగా ఉంటున్నారు. తాజాగా వారికి విడాకులు కూడా లభించాయి. ఈ నేపథ్యంలో ఈ వార్త బయటకు పొక్కింది. అయితే ఆ వార్తపై విజయ్ స్పందించారు. వివరాల్లోకి వెళితే..
అమలా పాల్కు విడాకులు
విజయ్, అమలా పాల్కు రెండు వారాల క్రితం చెన్నై ఫ్యామిలీ కోర్టు విడాకులు మంజూరు చేసింది. కేసు కోర్టులో ఉండగానే విజయ్ తండ్రి తన కుమారుడి కోసం వధువును వెతుకుతుండటం మీడియాకు తెలిసింది. దాంతో విడాకులు లభించగానే విజయ్ పెళ్లి చేసుకోబోతున్నారనే వార్త రూమర్గా మారింది.
అమలా పాల్ మనస్తాపం
అయితే విజయ్ రెండో పెళ్లి చేసుకోబోతున్నారనే వార్తతో అమలా పాల్ మనస్తాపానికి గురైంది. ఓ సినిమా షూటింగ్లో ఉన్న అమలా పాల్ అర్ధాంతరంగా అక్కడి నుంచి వెళ్లిపోయింది అని తమిళ పత్రికలు కోడై కూసాయి. విడాకులు పొందిన తర్వాత కూడా అమలా పాల్ ఇంకా విజయ్ గురించే ఆలోసిస్తున్నది అని కథనాల్లో పేర్కొన్నారు.
ఏఎల్ విజయ్ ఖండన
ఈ నేపథ్యంలో దర్శకుడు విజయ్ స్పందిస్తూ.. నా రెండో పెళ్లి గురించి మీడియాలో కథనాలు వచ్చినట్టు తెలిసింది. కానీ ఆ వార్తలో వాస్తవం లేదు. అవాస్తవ కథనాలతో నేను కలత చెందాను అని విజయ్ ఓ ప్రకటనను విడుదల చేశారు. మీడియా తీరుపై కొంత నిరసన వ్యక్తం చేశారు.
అడిగి తెలుసుకొంటే బాగుండేది
నా కెరీర్ పురోగతి చెందడానికి మీడియా నాకు చాలా సహకారం అందించింది. మీడియా అంటే నాకు గౌరవం. కానీ నాకు సంబంధించిన వార్తను అడిగి తెలుసుకొని రాస్తే బాగుండేది. ప్రస్తుతం నా దృష్టి అంతా కెరీర్పైనే. పెళ్లి గురించి వస్తున్న వార్తలన్నీ ముమ్మాటికి అబద్ధం అని విజయ్ ప్రకటనలో పేర్కొన్నారు.