Click it and Unblock the Notifications
రజనీ కాంత్ పై లారెన్స్ స్పెషల్ ఆల్బం
ఈ ఆల్బం గురించి లారెన్స్ మాట్లాడుతూ.. 'సూపర్స్టార్ రజనీకాంత్కు ఉన్న కోట్ల అభిమానుల్లో నేనూ ఒకణ్ని. ఆయనపై నాకు అపార ప్రేమ, గౌరవమర్యాదలు ఉన్నాయి. నిజంగానే ఆయన అత్యద్భుత వ్యక్తి. రజనీసార్పై ఓ ఆల్బం రూపొందించా. దీనికి సంగీత దర్శకుడు విజయ్ఆంటోనీ స్వరాలు సమకూర్చారు. ఈ ఏడాది సూపర్స్టార్ పుట్టినరోజు అపూర్వమైనదిగా భావిస్తున్నా. ఎందుకంటే అంతా పన్నెండులే వస్తున్నాయి. ఆరోజు రజనీ అభిమానులందరూ సంబరపడేలా ఈ ఆల్బంను విడుదల చేయనున్నా. నేను కూడా ఆ రోజు కోసం వేచిచూస్తున్నా. దీనిని రజనీకి ఆత్మీయ కానుకగా సమర్పించుకుంటున్నానని తెలిపారు.
రజనీకాంత్ నటించిన 'విక్రమసింహ'ను 12-12-12 అనే అరుదైన తేదీన తెరపైకి తీసుకురావాలనుకొన్నారు. తేదీలో అన్నీ పన్నెండులు ఉండటమే కాదు... ఆ రోజునే రజనీ జన్మదినం. ఈ సందర్భంగా 'విక్రమసింహ'ను విడుదల చేస్తే క్రేజ్ వస్తుందని దర్శకనిర్మాతలు భావించారు. అయితే ఆ చిత్రం ఇంకా నిర్మాణ దశలోనే ఉండటంతో వాయిదా వేశారు. అయితే రజనీ పుట్టిన రోజున ఆయన సినిమా ఒకటి విడుదలవుతోంది. అదేమిటంటే శంకర్ దర్శకత్వంలో వచ్చిన 'శివాజి'.
2007లో వచ్చిన ఆ చిత్రానికి త్రీడీ హంగులు అద్దారు. ఇటీవలే ఆ సాంకేతిక కార్యక్రమాలు ముగిశాయి. చిత్ర నిర్మాణ సంస్థ ఏవీఎమ్ ఓ ప్రకటన విడుదల చేస్తూ ''రజనీకాంత్ పుట్టిన రోజు సందర్భంగా డిసెంబరు 12న శివాజి త్రీడీని తెరపైకి తీసుకొస్తున్నాము''అన్నారు. ఇందులో శ్రియ కథానాయికగా నటించింది. త్రీడీకి అనుగుణంగా చిత్ర నిడివిని కొంత వరకూ తగ్గించారు.
Continue with Google