Don't Miss!
- Sports T20 World Cup 2024: సంజూ శాంసన్కు మళ్లీ అన్యాయమే!
- News మోదీని ప్రధానిని చెయ్యండి.. తెలంగాణాలో ముస్లిం రిజర్వేషన్లు రద్దు చేస్తాం: అమిత్ షా
- Technology వన్ప్లస్ 13 స్మార్ట్ఫోన్ కీలక వివరాలు లీక్.. 6.8 అంగుళాల డిస్ప్లే, 50MP కెమెరా సహా.. పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రజినీకాంత్ సినిమాకు చిరంజీవి టైటిల్: అది అయితేనే పర్ఫెక్ట్ అంటున్నారట
సూపర్ స్టార్ రజినీకాంత్ నటిస్తోన్న తాజా చిత్రం 'అన్నత్తే'. మాస్ చిత్రాల దర్శకుడిగా పేరొందిన సిరుత్తి శివ ఈ సినిమాను రూపొందిస్తున్నాడు. ఎంతో ప్రతిష్టాత్మకంగా తెరకెక్కుతోన్న ఈ మూవీపై భారీ అంచనాలే ఉన్నాయి. అన్నయ్య సెంటిమెంట్తో ఫ్యామిలీ ఎంటర్టైనర్గా ఇది రూపొందుతోంది. ఇప్పటికే ఈ మూవీ షూటింగ్ చాలా వరకూ పూర్తైంది. బుధవారమే ఈ సినిమా చివరి షెడ్యూల్ కోల్కతా నగరంలో ప్రారంభం అయింది. ఇందులో రజినీకాంత్ కూడా పాల్గొంటున్నారు. ఈ నేపథ్యంలో తాజాగా ఈ సినిమా గురించి ఓ ఆసక్తికరమైన న్యూస్ ఫిలిం నగర్లో తెగ వైరల్ అవుతోంది.
సీనియర్ హీరో రజినీకాంత్ - శివ కాంబినేషన్లో వచ్చే ఈ సినిమాకు తమిళంలో 'అన్నత్తే' అనే టైటిల్ పెట్టారు. తెలుగులోకి వచ్చే సరికి మాత్రం ఏదైనా పేరు పెట్టాలని భావిస్తున్నారు. ఇందులో భాగంగానే తాజాగా ఈ చిత్రం కోసం 'అన్నయ్య' అనే టైటిల్ను ఫిక్స్ చేసినట్లు ఓ న్యూస్ బయటకు వచ్చింది. దీనికి సంబంధించిన ప్రకటన అతి త్వరలోనే రాబోతుందని కూడా తెలుస్తోంది. గతంలో ఇదే పేరుతో చిరంజీవి సినిమా వచ్చిన విషయం తెలిసిందే. ముత్యాల సుబ్బయ్య తెరకెక్కించిన ఈ చిత్రం సూపర్ హిట్గా నిలిచింది. ఇప్పుడు దీన్ని రజినీకాంత్ కోసం వాడుకోబోతున్నారు.
భారీ తారాగణంతో తెరకెక్కుతోన్న 'అన్నత్తే' మూవీలో రజినీకాంత్ పవర్ఫుల్ రోల్ను చేస్తున్నట్లు తెలుస్తోంది. మరో రెండు వారాల్లో ఈ మూవీ షూటింగ్ మొత్తం పూర్తి అవుతుంది. ఆ వెంటనే పోస్ట్ ప్రొడక్షన్ పనులు ప్రారంభించి దీపావళి నాటికి సినిమాను విడుదల చేయనున్నారు. ఈ చిత్రాన్ని సన్ పిక్చర్స్ బ్యానర్పై కళానిధి మారన్ నిర్మిస్తున్నారు. ఇందులో మీనా, ఖుష్బూ, కీర్తి సురేష్, నయనతార, జగపతి బాబు, ప్రకాష్ రాజ్ కీలక పాత్రల్లో నటిస్తున్నారు. ఇమ్మాన్ సంగీత సారథ్యం వహిస్తున్నారు.