హోమ్

Tamil

చెన్నై: సౌతిండియా స్టార్ హీరోయిన్ అనుష్క గురించి ఓ షాకింగ్ న్యూస్ వినిపిస్తోంది. స్టార్ హీరోలు సైతం ఆమెతో కలిసి చేయాలని పోటీ పడుతుంటారు. ప్రస్తుతం ఆమె రజనీకాంత్, అజిత్ సినిమాల్లో నటిస్తున్నారు. మోస్ట్ డిమాండింగ్ హీరోయిన్‌గా ఉన్న ఆమె ఓ కమెడియన్ సరసన హీరోయిన్‌గా చేయడానికి గ్రీన్ సిగ్నల్ ఇచ్చినట్లు తమిళ మీడియాలో వార్తలు. అతను మరెవరో కాదు...తమిళ స్టార్ కమెడియన్ సంతానం.

తమిళ దర్శకుడు రాజేష్ ఈ చిత్రానికి దర్శకత్వం వహించనున్నట్లు తెలుస్తోంది. ఈ చిత్రంలో హీరో ఆర్య, సంతానం ముఖ్య పాత్రల్లో నటిస్తున్నారు. ఆర్యకు సరసన తమన్నా, సంతానం సరసన తమన్నా నటించనున్నట్లు తెలుస్తోంది. త్వరలోనే ఈ విషయం అఫీషియల్‌గా వెల్లడికానుంది.

ఇంత ముందు దర్శకుడు రాజేష్..ఆర్య హీరోగా బాస్ ఎన్గిర భాస్కరన్ అనే చిత్రాన్ని తెరకెక్కించారు. అందులో సంతానం కమెడియన్‌గా నటించాడు. తాజా చిత్రంలో వీరిద్దరినీ హీరోలుగా పెట్టి సినిమా ప్లాన్ చేసాడు దర్శకుడు రాజేష్.

గతంలో సింగం 2 చిత్రంలో సూర్యకు జోడీగా నటించిన అనుష్క....అదే చిత్రంలో సంతానంతో కలిసి ఓ డ్యూయెట్ సాంగ్ చేసిన సంగతి తెలిసిందే. సంతానంపై అనుష్కకు ముందు నుండీ మంచి అభిప్రాయం ఉంది. పైగా అతను స్టార్ కమెడియన్ కావడంతో అతనితో చేయడం వల్ల తన ఇమేజ్‌కు ప్రమాదమేమీ లేదని అనుష్క భావిస్తోందట.