హోమ్

Tamil

అనుష్క తెలివంతా సినిమాల ఎంపికలోనే వుందని అందరూ ఒప్పుకుంటారు. ఎప్పుడు ఎటువంటి పాత్రలు పోషించాలో ఈ అమ్మడికి బాగా తెలుసు. ఇటు తెలుగులోనే కాకుండా అటు తమిళంలో కూడా తన కెరీర్ ని కరెక్ట్ గా ప్లాన్ చేసుకుంటోంది. ఆమధ్య తమిళంలో తను చేసిన 'సింగం' సినిమా ఘన విజయం సాధించడంతో అక్కడ కూడా అను మంచి డిమాండ్ లో వుంది. ప్రస్తుతం చేస్తున్న 'వానం' సినిమా ఆమె పొజిషన్ ను మరింత పటిష్టపరుస్తుందని పరిశీలకులు అభిప్రాయపడుతున్నారు.

ఆమధ్య తెలుగులో తను చేసిన 'వేదం' సినిమాకు ఈ 'వానం' రీమేక్. తెలుగులో తను పోషించిన పాత్రనే అక్కడా చేస్తోంది. పైగా, దీనిని అక్కడ కూడా తన స్నేహితుడు క్రిష్ డైరెక్ట్ చేస్తున్నాడు. దాంతో ఆమె కెరీర్ కి ఇది మరింత హెల్ప్ అయ్యేలా జాగ్రత్తలు తీసుకుంటున్నాడు. ఈ సినిమాలో తనది వేశ్య పాత్ర కాబట్టి ఆమె డ్రెస్సింగ్ సెక్సీగా, కవ్వించేలా వుంటుంది. ఇప్పుడా సినిమాలోని ఆమె స్టిల్స్ చూసి, తమిళ తంబీలు సినిమా ఎప్పుడు రిలీజ్ అవుతుందా? అని ఎదురు చూస్తున్నారట. అంతలా అను తమిళ కుర్రాళ్ళని తన సెక్సీ పోజులతో రెచ్చగొట్టేస్తోంది. మరి సినిమా రిలీజ్ అయ్యాక ఇంకెంతగా రెచ్చగొడుతుందో! ఏమైనా, కథానాయికల మధ్య పోటీ ఎక్కువవుతున్న తరుణంలో ఈ స్వీటీ కరెక్ట్ సినిమాని ఎంచుకుందని కోలీవుడ్ లో చెప్పుకుంటున్నారు.