హోమ్

Tamil

ఖలేజా చిత్రంలో మహేష్ వెంటబడే అమ్మాయిగా నటించిన అనుష్క త్వరలో అతని చెల్లిగా కనిపించనున్నదని సమాచారం. మణిరత్నం నిర్మిచనున్న చిత్రం కోసం వీరిద్దరూ అన్నా..చెల్లెలు అవతారమెత్తుతున్నారు. పొన్నియన్ సెల్వెన్ అనే నవల ఆధారంగా మణిరత్నం తమిళ,తెలుగు భాషల్లో నిర్మిస్తున్న చిత్రంలో విజయ్ సరసన అనుష్కను హీరోయిన్ గా తీసుకున్నారు. విజయ్ కు బావ పాత్ర చేస్తున్నారు మహేష్. మహేష్ ఈ చిత్రంలో ఓ రాజుగా కనిపించనున్నారు.మహేష్ సరసన ఏ హీరోయిన్ నీ ఇంకా ఎంపక చేయలేదు. బాలీవుడ్ స్టార్ హీరోయిన్ ని మహేష్ కోసం వెతికే పనిలో ఉన్నట్లు సమాచారం. ప్రస్తుతం మహేష్ బాబు ..శ్రీను వైట్లతో చేస్తున్న దూకుడు ప్రాజెక్టులో బిజీగా ఉన్నారు. ఇక ఈ చిత్రంలో మహేష్ సరసన సమంత హీరోయిన్ గా చేస్తోంది.ఇప్పటికే టర్కీ, దుబాయి,గుజరాత్ లలో ఈచిత్రం షూటింగ్ జరుపుకుని వచ్చింది.తదుపరి షెడ్యూల్ పిబ్రవరి 15 నుంచి మార్చి 3 వరకూ హైదరాబాద్ లో జరగనుంది. తమన్ సంగీతం అందిస్తున్న ఈ చిత్రాన్ని 14 రీల్స్ ఎంటర్టైన్మెంట్ పతాకంపై ఆచంట గోపీచంద్, అనీల్ సుంకర నిర్మిస్తున్నారు. ఈ చిత్రానికి గోపీ మోహన్ కథ అందిస్తూంటే కోన వెంకట్ మాటలు రాస్తున్నారు.