ఆ తెలుగు రీమేక్ తో మురగదాస్..మళ్లీ హిందీకి

గజనీ హిందీ రీమేక్ తో రికార్డులు సృష్టించిన దర్శకుడు ఎ.ఆర్.మురగదాస్ తాజాగా కిక్ చిత్రాన్ని రీమేక్ చేయనున్నారని వినపడుతోంది. అలాగే ఈ చిత్రంలో హీరోగా సల్మాన్ ఖాన్ ఆసక్తి చూపుతున్నారని తెలుస్తోంది. హీరోయిన్ గా దీపికా పదుకొణె ని అడిగుతున్నారు. ఇక ఈ సినిమా హిందీ హక్కుల్ని ప్రముఖ నిర్మాత సాజిద్‌ నడియాడ్‌ వాలా పొందారు. ఆయనే మురగదాస్ ని డైరక్ట్ చేయమని సంప్రదించినట్లు తెలిసింది. అయితే ఇప్పటికే సూర్య హీరోగా ఓ చిత్రం రూపొందించేందుకు మురుగ సన్నాహాలు చేసుకొంటున్నారు. దాంతో ఈ చిత్రాన్ని మురగదాస్ డైరక్ట్ చేయటానికి ముందుకొస్తారా అనేది సందేహమేనంటున్నారు. అయితే ప్రభుదేవా కూడా ఈ నిర్మాత లిస్ట్ లో ఉన్నారు. సల్మాన్ ఖాన్ తో పోకిరీ హిందీ వెర్షన్ వాంటెడ్ రూపొందించి హిట్ అనిపించుకున్న ఆయన కూడా కిక్ ని డైరక్ట్ చేసే అవకాశాలు ఉన్నాయి.