Don't Miss!
- Finance Jhunjhunwala News: కంపెనీలో 5 లక్షల షేర్లు కొన్న జున్జున్వాలా.. నష్టాల మార్కెట్లోనూ స్టాక్ ర్యాలీ..
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Lifestyle మామిడికాయ పచ్చడిని ఈజీగా ఇలా తయారు చేసుకోండి..
- Sports అనూహ్య ఘటనను ఎదుర్కొన్న రోహిత్ శర్మ
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
చంపేయాలనే కొత్త ఫ్యాషన్ మొదలైంది: హిందూత్వ వాదుల పై అరవింద్ స్వామి ఆగ్రహం
హిందూ తీవ్రవాదంపై తన అభిప్రాయాన్ని వ్యక్తం చేసిన హీరో కమల్ హాసన్ను కాల్చి చంపాలి లేదా ఉరి తీయాలంటూ హిందూ మహాసభ నేత చేసిన వ్యాఖ్యలను మరో హీరో అరవింద్ స్వామి ఖండించారు.
హిందూ తీవ్రవాదంపై తన అభిప్రాయాన్ని వ్యక్తం చేసిన హీరో కమల్ హాసన్ను కాల్చి చంపాలి లేదా ఉరి తీయాలంటూ హిందూ మహాసభ నేత చేసిన వ్యాఖ్యలను మరో హీరో అరవింద్ స్వామి ఖండించారు. ఈ వ్యాఖ్యలపై ఆయన తీవ్రంగా స్పందించారు. గొంతెత్తితే కాల్చేస్తారా అంటూ ప్రశ్నించారు.
హిందూ ఉగ్రవాదం
దేశంలో హిందూ ఉగ్రవాదం పెరిగిపోయిందంటూ విలక్షణ నటుడు కమలహాసన్ చేసిన వ్యాఖ్యలు దేశవ్యాప్తంగా చర్చనీయాంశమైన సంగతి తెలిసిందే. ఈ నేపథ్యంలో, కమల్ ను కాల్చి చంపినా తప్పులేదంటూ అఖిల భారతీయ హిందూ మహాసభ ఉపాధ్యక్షుడు అశోక్ శర్మ తీవ్ర వ్యాఖ్యలు కూడ చేశారు. కమల్ పై క్రిమినల్, పరువునష్టం కేసు పెట్టాలన్న పిటిషన్ ను వారణాసి కోర్టు విచారణకు కూడా స్వీకరించింది.
రాజకీయ రంగ ప్రవేశం
త్వరలో రాజకీయ రంగ ప్రవేశం అంటూ ప్రచారం జరుగుతున్న క్రమంలో తమిళ స్టార్ హీరో కమల్ హాసన్ బీజేపీని టార్గెట్ చేస్తూ సంచలన వ్యాఖ్యలు చేశారు. దేశంలో హిందూ ఉగ్రవాదం పెరిగిపోతోందన్నారు. దేశంలో హిందూ టెర్రర్ లేదని ఎవరూ చెప్పలేరని స్పష్టం చేశారు.
అరవింద్ స్వామి స్పందించాడు
హిందూ ఉగ్రవాదం ఉందన్న విషయాన్ని అతివాదులు అంగీకరించి తీరాల్సిందేనన్నారు. ‘ఆనంద వికటన్' అనే తమిళ మ్యాగజైన్కు ప్రతి వారం రాసే కాలమ్లో కమల్ ఈ వ్యాఖ్యలు చేశారు.ఇదే అంశంపై "రోజా" చిత్రం హీరో అరవింద్ స్వామి స్పందించాడు. కమల్ కి మద్దతుగా తానూ గొంతెత్తాడు ..
కొత్త ఫ్యాషన్ మొదలైంది
'ప్రశ్నిస్తే, జాతి వ్యతిరేకులమంటూ జైల్లో వేయాలంటున్నారు. ఒకవేళ జైళ్లు ఖాళీ లేకపోతే కాల్చి చంపేయాలనే కొత్త ఫ్యాషన్ మొదలైంది' అని ఆగ్రహం వ్యక్తం చేశారు. ఈ క్రమంలో కమల్ కు ప్రముఖ సినీ నటుడు అరవిందస్వామి మద్దతుగా నిలిచారు. చట్ట విరుద్ధంగా బెదిరింపులకు, హింసకు పాల్పడేవారిని ఉగ్రవాదులు కాక మరేమని పిలుస్తారని ఆయన ప్రశ్నించారు. 'మెర్సల్' సినిమాకు కూడా మద్దతు పలికారు.