twitter
    For Quick Alerts
    ALLOW NOTIFICATIONS  
    For Daily Alerts

    శృతి దెబ్బకొట్టినా...కమల్ ఆదుకున్నాడు

    By Srikanya
    |

    చెన్నై : 'అమ్మా....నాన్న తమిళ అమ్మాయి', 'పోకిరి', 'గజిని' వంటి వరుస హిట్స్ తో తమిళ,తెలుగు భాషల్లో లో చక్కటి పేరు తెచ్చుకున్న మళయాళి కుట్టి అసిన్‌. కొంత కాలంగా బాలీవుడ్ లో సెటిల్ అయ్యే ప్రయత్నాల్లో ఇక్కడి వారికి దూరమైనా అమ్మడు మళ్లీ సౌత్ పై దృష్టి పెట్టింది. కేఎస్‌ రవికుమార్‌ దర్శకత్వంలోని 'దశావతారం'లో కమల్‌కు జంటగా నటించిన ఈ భామ మళ్లీ విశ్వనటుడి సరసన కనిపించనుంది. రమేష్‌ అరవింద్‌ దర్శకుడు. 'ఉత్తమవిల్లన్‌' అనే టైటిల్‌ను పరిశీలిస్తున్నట్లు సమాచారం.

    'గజిని' రీమేక్‌తో హిందీ పరిశ్రమలోకి అడుగుపెట్టిన ఈ భామ ఆ తర్వాత టాలీవుడ్‌, కోలీవుడ్‌లవైపు చూడటమే మరిచిపోయింది. హిందీలోనూ అవకాశాలను అందిపుచ్చుకోలేక ఇబ్బందులకు గురవుతున్నట్లు సమాచారం. అంతేగాక తాజాగా ఓ హిందీ సినిమా అవకాశం అసిన్‌ నుంచి శ్రుతికి వెళ్లిపోవటంతో మరింత ఆవేదనకు గురైనట్లు సమాచారం. అయితే...కూతురు దెబ్బ కొట్టినా తండ్రి కమల్ తన సరసన ఆఫర్ ఇచ్చి ఆదుకున్నాడు.

    కమల్ హాసన్ తన తదుపరి ప్రాజెక్టుకు రంగం సిద్దం చేసుకుంటున్నాడు. ఆ చిత్రానికి 'ఉత్తమ విలన్' అనే టైటిల్ ఖరారు చేసారు. కమలహాసన్ స్వీయ దర్శకత్వంలో హీరోగా దర్శకుడు లింగుస్వామి ఒక భారీ చిత్రాన్ని నిర్మించనున్నట్లు వెల్లడించారు. ఈ చిత్రానికి ఉత్తమ విలన్ అనే పేరును పెట్టినట్లు తెలిసింది. ఇది పూర్తి హాస్యభరిత కథా చిత్రమని సమాచారం.

    ఈ తరహా చిత్రాలకు సంభాషణలు రాయడంలో రచయిత క్రేజి మోహన్ పేరు గడించారు. ఉత్తమ విలన్ చిత్రానికీ ఆయనే మాటలు రాస్తున్నారు. హాస్యపాత్రలో వివేక్ నటించనున్నారు. ప్రస్తుతం కమలహాసన్ విశ్వరూపం-2 చిత్ర షూటింగ్‌లో బిజీగా ఉన్నారు. చిత్ర షూటింగ్ తుది దశకు చేరుకుంది. దీని తర్వాతే ఉత్తమ విలన్ తెరకెక్కనుంది.

    English summary
    Work on Kamal Haasan's next film titled 'Uthama Villain' is scheduled to kick start next month. Actress Asin will be playing opposite Kamal Hassan. This makes it the second time that Asin is paired up with Kamal Hassan, taking 'Dasavatharam' into account. 'Uththama Villain' has the screenplay and dialogues by Crazy Mohan and is directed by Ramesh Aravind. The film will be produced by Lingusamy.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X