For Quick Alerts
    ALLOW NOTIFICATIONS  
    For Daily Alerts

    బిందుమాధవిని సిల్క్ స్మితలా ఉంటుందన్న దర్శకుడు

    By Srikanya
    |

    చెన్నై : బిందుమాధవిని చూడగానే ఆకట్టుకునే అమ్మాయి. సిల్క్‌స్మితను చూసినట్టే ఉంటుంది. మార్కెట్‌లో తాజాగా లభించే కొత్తిమీరకట్టలా ఘుమఘుమలాడే అందం ఆమెది. పల్లెటూరి అమ్మాయి పాత్రలో లీనమైపోతుంది. ఆమెపాలబుగ్గలు బాగా నచ్చాయి. నేను ఎంచుకున్న కథకు సరిపడే హీరోయిన్ అంటున్నారు తమిళ దర్శకుడు ఎళిల్‌. ఆయన తాజా చిత్రం 'దేశింగురాజా'. ఇప్పటికీ ప్రేమ, బంధుత్వం, ఆప్యాయత, అనురాగాలు ఉన్నప్రదేశాలు.. పల్లెటూళ్లు మాత్రమే. అలా రెండు గ్రామాల మధ్య ఉన్న ప్రేమానురాగాలే కథ. పచ్చదనం నిండిన ప్రేమకథ ఇది. నగరవాసులను కూడా ఆకర్షితులను చేస్తుంది.

    'తుల్లాద మనముం తుల్లుం', 'పెన్నిన్‌ మనదై తొట్టు', 'దీపావళి', 'పూవెల్లాం ఉన్‌వాసం', తాజాగా 'మనం కొత్తి పరవై' వంటి ప్రేమకథా చిత్రాలతో ప్రేక్షకులను అలరిస్తున్న దర్శకుడు ఎళిల్‌. ఇప్పుడు అలాంటి అంశంతోనే జనం ముందుకు రాబోతున్నాడు. పల్లెటూరి ప్రేమకథతో 'దేశింగురాజా' తెరకెక్కిస్తున్నాడు. విమల్‌, బిందుమాధవి హీరో,హీరోయిన్స్. సినిమా గురించి ఆయన మీడియాతో మాట్లాడుతూ బిందుమాధవి గురించి ఇలా చెప్పుకొచ్చారు.

    అలాగే తాను ప్రేమ కథలే తెరకెక్కించటానికి కారణం చెప్తూ...ప్రేమలో విఫలమయ్యాను అన్నారు. కోయంబత్తూరులో నేను డిగ్రీ మొదటి ఏడాది చదివేటప్పుడు తను పీజీ. తొలిచూపు ప్రేమ నాది. వయోభేదం ఉన్నా ఎలాగైనా ఒప్పించాలని అనుకున్నా. పరిచయం పెరిగింది. మంచి స్నేహితులం అయ్యాం. ఒకసారి ప్రాజెక్టు విషయమై గ్రామంలో తనతో బసచేసే అవకాశం కలిగింది. అప్పుడు నా మనసులో మాట చెప్పా. కుదరదని చెప్పేసింది. ఒప్పించేందుకు చాలా ప్రయత్నించా. ఫలించలేదు. ఆ తర్వాత ఆమె నన్ను కలిసేందుకే కాదు.. మాట్లాడేందుకు కూడా అవకాశం ఇవ్వలేదు. ప్రేమ బాధను తట్టుకోలేకపోయా. అందుకే ఈ సినీ 'ప్రేమ ప్రయాణం' అన్నారు.

    స్టార్ హీరోలు అజిత్‌, విజయ్‌ వంటి పెద్ద నటులతో సినిమాలు చేశారు. ఇప్పుడు ఆ స్థాయి తగ్గుతోందనే విమర్శలకు సమాధానం చెప్తూ... ప్రారంభంలో పెద్ద హీరోలతో చేసినందుకే ఇప్పుడు ఆ స్థాయిని కొనసాగించలేకపోతున్నానని అనిపిస్తోంది. వెంటవెంటనే చిత్రాలు చేయలేకపోవడానికి అదే కారణం. నేను తెరకెక్కించిన వాటిలో ఒక్కటి మాత్రమే నిరాశపరిచింది. అదే సమయంలో ఆర్థికంగా కూడా ఇబ్బందులొచ్చాయి. అందుకే స్థాయి తగ్గించుకున్నాను. ఇప్పుడిప్పుడే మునుపటిస్థాయికి చేరుకునేందుకు అడుగులు వేస్తున్నాను అన్నారు.

    English summary
    Desingu Raja is an upcoming Tamil Movie. Directed by Ezhil and Produced by Madhan. Music composed by D. Imman. Vimal and Bindu Madhavi are in the lead roles.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X