Don't Miss!
- Technology ధర రూ. 20 వేలలో, వైర్లెస్ ఛార్జింగ్ తో వచ్చే మొట్ట మొదటి ఫోన్! సేల్ ఈ రోజే! ఆఫర్ వివరాలు
- News టీడీపీ నేతలకు చేదు అనుభవం..మహిళ ప్రశ్నలకు బిత్తరపోయిన నాయకులు
- Sports IPL 2024: అంబానీ వల్ల మూడు జట్లు సర్వనాశనం!
- Finance Gold Price: శుభవార్త.. ఆకాశం నుంచి విరిగిపడ్డ బంగారం ధర.. షాపింగ్ షురూ చేసేయండి..
- Automobiles రూ. 150 కే విమాన టికెట్.. ట్రైన్ జర్నీ కంటే చాలా చీప్.. ఈ స్కీమ్ గురించి మీకు తెలుసా.??
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
ప్రముఖ నటుడు సంతానంపై పోలీసులకు ఫిర్యాదు
తమిళ సినీ ఇండస్ట్రీలో వడివేలు, వివేక్ తర్వాత అంతటి పేరును సంపాదించుకన్న కమెడియన్ సంతానం. ఎన్నో సినిమాల్లో తనదైన కామెడీని పండించి మెప్పించిన సంతానం.. చాలా అవార్డులను తన ఖాతాలో వేసుకున్నాడు. అలాగే, క్యారెక్టర్ ఆర్టిస్టుగానూ వైవిధ్యాన్ని చూపిస్తూ ఎన్నో సినిమాల విజయంలో ముఖ్య భూమిక పోషించాడు. కొద్దిరోజుల క్రితం హీరో అవతారం కూడా ఎత్తాడు. కమెడియన్గా మెప్పించిన సంతానం.. హీరోగానూ తన అదృష్టాన్ని పరీక్షించుకున్నాడు.
ఇందులో భాగంగానే కొన్ని సినిమాలు చేశాడు. 'దిల్లుక్కు దుడ్డు 2' తర్వాత కొంత బ్రేక్ తీసుకున్న సంతానం.. తాజాగా 'ఏ1' అనే సినిమాలో నటించాడు. జయసూర్య దర్శకత్వం వహించిన ఈ సినిమాలో సంతానం సరసన తారా అలీసా నటించింది. ఈ సినిమాను రాజ్ నారాయణన్ నిర్మించాడు. పోస్ట్ ప్రొడక్షన్ పనులన్నీ పూర్తి చేసుకున్న ఈ సినిమా.. శుక్రవారం ప్రేక్షకుల ముందుకు రాబోతుంది. ఇలాంటి సమయంలో 'ఏ1' చిత్ర యూనిట్కు గట్టి షాక్ తగిలింది. చిత్ర హీరో సంతానంపై పోలీస్ స్టేషన్లో కేసు నమోదైంది.
ఈ సినిమాలో బ్రాహ్మణులను కించపరిచే సన్నివేశాలు ఉన్నాయని ప్రస్తావిస్తూ విళ్లుపురం జిల్లా ఎస్పీ కార్యాలయంలో సంతానంపై బ్రాహణ సమాజం అభివృద్ధి సంఘం రాష్ట్ర లక్ష్య సాధన కార్యదర్శి కార్తీక్ ఆధ్వర్యంలో కొందరు ఫిర్యాదు చేశారు. ''ఈ చిత్రంలో బ్రాహ్మణ సమాజాన్ని కించపరిచే, ఎగతాలి చేసే సన్నివేశాలు ఉన్నాయి. కాబట్టి చిత్ర దర్శక, నిర్మాతలు, అందులో నటించిన సంతానం తదితర నటీనటులపై తగిన చర్యలు తీసుకోవాలి'' అని ఆ ఫిర్యాదులో పేర్కొన్నారు. దీంతో సినిమా విడుదల అవుతుందా..? లేదా..? అన్నది ఆసక్తికరంగా మారింది.