అమ్మడు అరవంలో అడుగుపెట్టి ఆరేళ్ళు అవుతుందట ..

2013లో వచ్చిన ఛమ్మక్ ఛల్లో సినిమాతో టాలీవుడ్ తలుపు తట్టిన చిన్నది కేథరిన్. . సరైన బ్రేక్ కోసం ఏళ్లుగా ఎదురుచూస్తోంది. చాలా వరకు రెండో హీరోయిన్‌గా అవకాశాలే వస్తుండటంతో... నటిగా నిరూపించుకునే పాత్రల కోసం ట్రై చేస్తోంది. చివరగా క్రాంతి మాధవ్ దర్శకత్వంలో ఈ ఏడాది విడుదలైన వరల్డ్ ఫేమస్ లవర్‌ సినిమాలో స్మితా మేడం పాత్రలో ఆకట్టుకుంది. కేథరిన్ తమిళ్ లో కూడా సినిమాలు చేసింది. దర్శకుడు రంజిత్ డైరెక్షన్ లోమద్రాస్ సినిమాతో తో తమిళ ఇండస్ట్రీ లోకి అడుగుపెట్టింది.

కార్తీ హీరోగా నటించిన ఈ సినిమా నేటికీ విడుదలై ఆరు సంవత్సరాలు అవుతుంది, ఈ సినిమా సరిగ్గా ఇదే రోజు (సెప్టెంబర్ 26) న విడుదలై ఘనవిజయాన్ని సొంతం చేసుకుంది. ఈ మేరకు ట్విట్టర్ వేదికగా ఈ సినిమా సంగతులను గుర్తు చేసుకుంది కేథరిన్.. కోలీవుడ్‌లో అరంగేట్రం చేసినందుకు ఇంతకంటే మంచి సినిమా,మంచి క్యారెక్టర్ నాకు దొరికేది కాదేమో అని పోస్ట్ పెట్టింది. ఇక అమ్మడి స్వీట్ గెస్చర్ కు ఫిదా అవ్వని జనాలు ఉంటారు అంటారా!?