Don't Miss!
- News జూన్ 4 ఫలితాలతో ఏపీలో జరగబోయేదేంటి..!!
- Sports Rohit x Hardik: పదేళ్లుగా కెప్టెన్సీ చేశా.. ఎలా గెలవాలో తెలుసు- రోహిత్
- Lifestyle Happy Birthday Wishes : పుట్టినరోజు శుభాకాంక్షలను ఇలా అందంగా తెలపండి..
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Technology వన్ప్లస్ 11R 5G కొత్త వేరియంట్ విడుదల.. అమెజాన్లో ఈ కార్డులపై రూ.1000 తగ్గింపు..!
- Automobiles జనాలు ఎక్కువగా కొంటున్న టాప్-3 SUVలు ఇవే.. జాబితాలో లేని టాటా కార్లు!!
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
కూతురు లవ్ స్టోరీ: స్టార్ డైరక్టర్ భార్య ఆత్మహత్యాయత్నం..
వివరాల్లోకి వెళితే... దర్శకుడిగా ఎంతో పేరు తెచ్చుకున్న దర్శక నటుడు చేరన్ చిన్న కుమార్తె దామిని (20), సహాయ దర్శకుడు చంద్రుని ప్రేమిస్తున్నానంటూ భద్రత కోసం నగర పోలీసు కమిషనర్ను ఆశ్రయించిన విషయం తెలిసిందే. అలాగే తన తండ్రి చేరన్ తన ప్రియుడు చంద్రుని హతమార్చేందుకు పన్నాగాలు పన్నుతున్నారని ఫిర్యాదు చేసింది. ఈ పరిస్థితుల్లో డిప్యూటీ కమిషనర్ శివకుమార్, సహాయ కమిషనర్ శ్యామలా దేవీ రాత్రి చేరన్ దంపతుల వద్ద విచారణ చేపట్టడంతో పాటు రాత్రంతా దామినికి కౌన్సెలింగ్ ఇచ్చారు.
మరో ప్రక్క కుమార్తె ప్రేమ వ్యవహారంతో మనస్తాపానికి గురైన చేరన్ సతీమణి సెల్వరాణి రాత్రి ఆత్మహత్యాయత్నానికి పాల్పడినట్లు తెలుస్తోంది. భర్తపై కన్నకూతురే ఫిర్యాదు చేయడంతో తనకు తాను కత్తితో పొడుచుకునేందుకు యత్నించిందని, ఆ సమయంలో కుటుంబ సభ్యులు అప్రమత్తం కావడంతో ప్రమాదం తప్పినట్టు సమాచారం. అనారోగ్యం బారిన పడినట్లు పేర్కొంటూ స్థానిక రాజాఅన్నామల్లైపురంలో ఉన్న ఓ ప్రైవేటు ఆసుపత్రికి చికిత్స నిమిత్తం సెల్వరాణిని కుటుంబ సభ్యులు తరలించారు. ప్రస్తుతం అధిక రక్తపోటుతో బాధపడుతున్న సెల్వరాణి ఆసుపత్రిలో చికిత్స పొందుతోంది.
ఈ విషయమై చేరన్ వివరణ ఇస్తూ .. తన కుమార్తె ప్రేమ వ్యవహారానికి తానెప్పడూ అడ్డు చెప్పలేదన్నారు. చంద్రూ ప్రవర్తన మంచిది కాకపోవడంతోనే జాగ్రత్తపడినట్లు తెలిపారు. అవగాహన లేకపోవడం వల్లే తనపై తన కుమార్తె ఫిర్యాదు చేసిందన్నారు. చంద్రుపై జరిగిన దాడికి తనకే సంబంధం లేదని, అవసరమైతే పోలీసులు ఈ విషయంపై దర్యాప్తు చేయవచ్చన్నారు. తన కుమార్తెకు ప్రాణహాని ఉన్నందున ఆమెకు భద్రత కల్పించాలని విజ్ఞప్తి చేశారు. ఆయనతో పాటుగా దర్శకులు అమీర్, సముద్రకని, నటుల సంఘం అధ్యక్షుడు శరత్కుమార్, కార్యదర్శి రాధారవి కూడా ఉన్నారు. దర్శకుడు చేరన్ నగర పోలీసు కమిషనర్ కార్యాలయానికి చేరుకుని ఓ విజ్ఞప్తి లేఖను అందించారు.
ఇక మహిళా పోలీసులు దామినిని తల్లిదండ్రులతో ఉండాల్సిందిగా నచ్చజెప్పేందుకు ప్రయత్నించినా ఫలితం లేకపోయింది. ఆమె ప్రియుడు చంద్రుకు కూడా పోలీసులు కౌన్సెలింగ్ ఇచ్చారు. అతను కూడా దామిని నుంచి తనని విడదీయవద్దంటూ పోలీసులను బతిమాలినట్లు సమాచారం. దీంతో ఏం చేయాలో పాలుపోక పోలీసులు తలలు పట్టుకుంటున్నారు. దీనిపై ఓ పోలీసు ఉన్నతాధికారి మాట్లాడుతూ... దామిని మేజర్ అయిన కారణంగా ఆమెపై ఒత్తిడి తీసుకురాలేమన్నారు. కౌన్సెలింగ్ ఇచ్చామని, ఆమెదే తుది నిర్ణయమన్నారు.