For Quick Alerts
    ALLOW NOTIFICATIONS  
    For Daily Alerts

    #Chiyaan60 కొడుకుతో కలిసి విక్రమ్ గ్యాంగ్‌స్టర్ మూవీ.. అమెజాన్‌ ప్రైమ్‌లో రిలీజ్ ఎప్పుడంటే?

    |

    కరోనావైరస్ కారణంగా తమిళనాడులో థియేట్రికల్ రిలీజ్‌పై ఆంక్షలు కొనసాగుతున్న నేపథ్యంలో పలు చిత్రాలు ఓటీటీలో రిలీజ్ చేసేందుకు నిర్మాతలు ప్లాన్ చేస్తున్నారు. ఇప్పటికే పలు చిత్రాలు ఓటీటీ ద్వారా ప్రేక్షకుల ముందుకు వస్తున్నాయి. ఈ పరిస్థితి సూపర్ స్టార్ చియాన్ విక్రమ్‌కు కూడా తప్పడం లేదు. తన కుమారుడు ధ్రువ్‌తో కలిసి నటించిన మహాన్ చిత్రం ఓటీటీ రిలీజ్‌కు సిద్దమైంది. ఈ సినిమా ఎప్పుడు? ఎక్కడ రిలీజ్ అవుతుందనే వివరాల్లోకి వెళితే..

     2016లో విక్రమ్‌కు కార్తీక్ సుబ్బరాజ్

    2016లో విక్రమ్‌కు కార్తీక్ సుబ్బరాజ్

    మహాన్ చిత్రం విషయానికి వస్తే.. ఈ సినిమా ఎప్పుడో రిలీజ్ కావాల్సింది. 2016లో తొలిసారి విక్రమ్‌కు దర్శకుడు కార్తీక్ సుబ్బరాజ్ కథ చెప్పారు. ఆ సమయంలో విక్రమ్ ఇరు మగన్ చిత్ర షూటింగులో బిజీగా ఉన్నారు. దాంతో ఆ సమయంలో ఈ సినిమా చేయడానికి కుదర్లేదు. ఆ తర్వాత 2020లో విక్రమ్, కార్తీక్ సుబ్బరాజ్ మూవీ ప్రారంభమైంది.

     మరోసారి గ్యాంగ్‌స్టర్ సినిమాతో

    మరోసారి గ్యాంగ్‌స్టర్ సినిమాతో

    మహాన్ చిత్ర కథ గురించిన వివరాల్లోకి వెళితే.. తండ్రి, కొడుకుల మధ్య సాగే ఓ ఎమోషనల్ స్టోరి. జెమినీ, భీమ చిత్రాల తర్వాత విక్రమ్ మరోసారి మాఫియా నేపథ్యం, గ్యాంగ్‌స్టర్ డ్రామాలో నటించడం గమనార్హం. అయితే ఈ సినిమాను థియేట్రికల్ రిలీజ్ కోసం ప్లాన్ చేశారు. అయితే ప్రస్తుత పరిస్థితుల్లో విడుదల చేయడం కష్టమని భావించిన నిర్మాతలు ఈ సినిమాను ఓటీటీలో రిలీజ్ చేయాలని ప్లాన్ చేశారు.

    చియాన్ కెరీర్‌లో 60వ చిత్రంగా

    చియాన్ కెరీర్‌లో 60వ చిత్రంగా

    విక్రమ్ కెరీర్‌లో మహాన్ చిత్రం ప్రత్యేకంగా నిలువబోతున్నది. తన కెరీర్‌లో 60వ చిత్రంగా తెరకెక్కడం ఓ విశేషం కాగా, సొంత కుమారుడు ధ్రువ్ విక్రమ్‌తో కలిసి నటించడం మరో ప్రత్యేకతగా చోటు చేసుకొన్నది. ఈ సినిమాను అమెజాన్‌ ప్రైమ్ వీడియోలో రిలీజ్ చేస్తున్నట్టు నిర్మాత లలిత్ కుమార్ తెలిపారు. ఈ సినిమాను ఓటీటీలో ప్రదర్శించాలని తీసుకొన్న నిర్ణయం చాలా ఎక్సైటింగ్‌గా ఉంది. యాక్షన్, ఎమోషన్స్ కలబోతతో రూపొందిన ఈ చిత్రం ప్రేక్షకులను తప్పకుండా ఆకట్టుకొంటుంది అని లలిత్ కుమార్ తెలిపారు.

    అమెజాన్‌లో తెలుగు, తమిళ, కన్నడ, మలయాళ భాషల్లో

    అమెజాన్‌లో తెలుగు, తమిళ, కన్నడ, మలయాళ భాషల్లో

    మహాన్ చిత్రం తమిళంతోపాటు, తెలుగు, మలయాళ, కన్నడ భాషల్లో రిలీజ్ అవుతున్నది. కన్నడలో ఈ సినిమా టైటిల్‌ను మహా పురుష అని ఫిక్స్ చేశారు. ఈ సినిమాను ఫిబ్రవరి 10వ తేదిన అమెజాన్ ప్రైమ్ వీడియోలో రిలీజ్ చేస్తున్నట్టు నిర్మాత లలిత్ కుమార్ తెలిపారు. దీంతో చియాన్ అభిమానులు సంతోషంగా ఈ సినిమా కోసం ఎదురు చూస్తున్నారు.

    Recommended Video

    #MRKK #KadaramKondan | Mr. KK Official Making Video | Chiyaan Vikram | Rajesh M Selva | Ghibran
     మహాన్‌లో నటీనటులు, సాంకేతిక నిపుణులు

    మహాన్‌లో నటీనటులు, సాంకేతిక నిపుణులు

    నటీనటులు: విక్రమ్, ధ్రువ్ విక్రమ్, వాణి భోజన్, బాబీ సింహా, సిమ్రాన్, సనత్, దీపక్ పరమేష్ తదితరులు
    రచన, దర్శకత్వం: కార్తీక్ సుబ్బరాజ్
    నిర్మాత: ఎస్ఎస్ లలిత్ కుమార్
    సినిమాటోగ్రఫి: శ్రేయాస్ కృష్ణ
    ఎడిటింగ్: వివేక్ హర్షన్
    మ్యూజిక్: సంతోష్ నారాయణ్
    బ్యానర్: సెవెన్ స్క్రీన్ స్టూడియో
    ఓటీటీ రిలీజ్: అమెజాన్ ప్రైమ్ వీడియో
    ఓటీటీ రిలీజ్ డేట్: 2022-02-10

    English summary
    Chiyaan Vikram film made available for streaming in Malayalam, Telugu and Kannada. In Kannada, the movie has been titled Maha Purusha. Mahaan stars real-life father-son duo Vikram and Dhruv. Bankrolled by Seven Screen Studio, the movie also stars Simran, Bobby Simha and Vani Bhojan.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X