నిర్మాతగా మారిన మరో హీరో...

By Staff

Published: Wednesday, March 11, 2026, 16:43 [IST]

'అపరిచితుడు' విక్రమ్ ఇప్పుడు నిర్మాతగా మరో అవతారం ఎత్తనున్నాడు. ఇంకా అధికారికంగా వెలవడని సమాచారం ప్రకారం ఆయన ఓ కార్పోరేట్ సంస్ధతో కలసి పనిచేయనున్నారు. ప్రస్తుతం ఎగ్రిమెంట్ కోసం మాటలు జరుగుతున్నాయట. అవి కనుక విజయవంతమైతే తెలుగు,తమిళ భాషల్లో కలపి సంవత్సరానికి మూడు సినిమాలు దాకా సినిమాలు చేసే యోచన ఉందని తెలుస్తోంది. మొదటగా 'సుబ్రమణ్యపురం' అనే హిట్ సినిమాను ఇచ్చిన శశికుమార్ అనే దర్శకుడుకి అవకాశం ఇవ్వనున్నట్లు తెలుస్తోంది.

'సుబ్రమణ్యపురం'లో కలర్స్ స్వాతి హీరోయిన్. ఎనభైల నాటి కధాంశంతో వచ్చిన ఈ సినిమా మంచి విజయాన్ని నమోదు చేసింది. ఇక ఈ కొత్త ప్రాజెక్టు ఓ సస్పన్స్ థ్రిల్లర్ అనీ ,విక్రమ్ కాక వేరే వాళ్ళను హీరోగా అనుకుంటున్నారని సమాచారం. 2009 లో ఈ సినిమా ప్రారంభమయ్యే అవకాశం ఉంటుందని తెలుస్తోంది. ప్రస్తుతం విక్రమ్ మల్లన్న అనే సినిమా చేస్తున్నారు. ఇందులో ఆయన రాబిన్ హుడ్ తరహా పాత్రను పోషించనున్నాడు.

More from Filmibeat