కమల్ హసన్ పై కమీషనరేట్ లో ఫిర్యాదు: నపుంసకులు అవుతారు అన్నందుకే

నపుంసకులవుతారట

ఆ మందులోని ఓ కారకం మనుషుల్లో వంధ్యత్వానికి (ఇన్-ఫెర్టిలిటీ) దారితీస్తుందని కమల్ ఆరోపించాడు. నీలవేంబు చెట్టు ఆకుల నుంచి తయారుచేసిన ఈ కషాయం వల్ల మనుషులు నపుంసకులవుతారని కమల్ చెప్పారు. దాని ఆ మందు శాస్త్రీయతను పరిశీలించిన తర్వాతే పంపిణీ చేయాలని తన అభిమానులకు పిలుపునిచ్చారు.

చెన్నై కమిషనరేట్ కు ఫిర్యాదు

కేవలం అల్లోపతి వైద్యులు మాత్రమే .పరిశోధనలు చేయడం కాదని సంప్రదాయంగా వస్తున్న ఈ తరహా కషాయాలపై కూడా పరిశోధనలు జరిగాకే ప్రజలకు పంపిణీ చేయాలని కమల్ సూచించారు. కమల్ చేసిన వ్యాఖ్యలు తమ హక్కులకు భంగం కలిగించేలా ఉన్నాయని ఈ మందు పంపిణీ సభ్యుల్లో ఒకరు చెన్నై కమిషనరేట్ కు ఫిర్యాదు చేశారు. మనుషులలో ఉండే భయాల్ని కమల్ ప్రేరేపిస్తున్నారని పేర్కొన్నారు.

నీలవేంబు చెట్టు

ఈ వ్యాఖ్యలు తమ హక్కుల్ని కాలరాసేలా ఉన్నాయంటూ ఈ మందు పంపిణీ సభ్యుల్లో ఒకరు చెన్నై కమిషనరేట్‌లో చేసిన ఫిర్యాదులో పేర్కొన్నారు. నీలవేంబు చెట్టు ఆకుల నుంచి తయారుచేసిన ఈ కషాయం వాడడం వల్ల మనుషులు నపుంసకులుగా తయారవుతారనే మాటలలో ఎలాంటి నిజం లేదని, కమల్‌ మనుషుల్ని భయపెడుతున్నాడని ఆ ఫిర్యాదులో పేర్కొన్నారు.

కమల్ కే మద్దతుగా ఉన్నారు

మరోవైపు తమిళనాడు ఆరోగ్య మంత్రిత్వ శాఖ కూడా కమల్ వ్యాఖ్యల్ని ఖండించింది. ఈ కషాయం వాడకం వల్ల ఎలాంటి సైడ్ ఎఫెక్ట్స్ ఉండవని స్పష్టం చేసింది.అయితే కమల్ అభిమానులు మాత్రం కమల్ కే మద్దతుగా ఉన్నారు. పూర్తి అవగాహన లేకుండా కమల్‌ ఇలాంటి వ్యాఖ్యలు చేయరని, ఇకనుంచీ తాము నీలవేంబు మందు పంపిణీలో సహకరించబోమంటూ చెబుతున్నారు.