స్టార్ డైరక్టర్ కటౌట్స్ తగలపెట్టి గొడవ

By Srikanya

Published: Sunday, January 15, 2012, 16:17 [IST]

సౌత్ ఇండియా స్టార్ డైరక్టర్ శంకర్ కట్ అవుట్స్ ని సేలం లో తగలపెట్టారు. ఈ సంఘటన ఆయన తాజా చిత్రం నన్భన్(త్రీ ఇడియట్స్ రీమేక్)విడుదల సందర్భంగా చోటు చేసుకుంది. సేలంలోని మల్టిప్లెక్స్ వద్ద ఆందోళనకారులు ఈ దాడికి దిగారు. సినిమాలో అభ్యంతరకమైన డైలాగు ఉందని,దాన్ని తొలిగించాలని వారు కోరుతున్నారు. అవుట్ ఫిట్ ఫౌండర్ చెల్లముత్తుకి వ్యతిరేకంగా చిత్రంలో డైలాగుపెట్టడం సహించలేము అని అన్నారు. ఇక ఈ సంఘటన జరగటంతో షోలు అన్ని కాన్సిల్ చేసారు. పోలీసులు ముప్పై ముగ్గరుని ఈ సంఘటనలో అరెస్టు చేసారు. ఈ విషయం తెలుసుకున్న మల్టిప్లెక్స్ యాజమాన్యం తాము ఆ డైలాగుని తొలిగించి మాత్రమే ప్రదర్శిస్తామని ప్రకటించారు.

అంతేగాక ధియోటర్స్ వద్ద సెక్యూరిటీ కూడా పెంచారు. వారుపై ఐపిసీ ప్రకారం సెక్షన్స్ పెట్టామని పోలీసులు తెలిపారు. ఇక ఈ విషయమై దర్శకుడు శంకర్ స్పందించటానికి ఇష్టపడలేదు. విజయ్,ఇలియానా కాంబినేషన్ లో వచ్చిన ఈ చిత్రం తమిళంలో మంచి హిట్ టాక్ తో దూసుకుపోతోంది. హారీస్‌జైరాజ్‌ సంగీతాన్ని సమకూర్చిన ఈ చిత్రానికి .. హిందీలో అమీర్‌ఖాన్‌ పాత్రను విజయ్, మాధవన్‌ పాత్రను జీవా, శర్మాన్‌జోషి పాత్రను శ్రీకాంత్‌ పోషించారు. కరీనాకపూర్‌ పాత్రను ఇలియానా చేసింది. అలాగే ప్రొఫెసర్‌ సైరస్‌ పాత్రను సత్యరాజ్‌ ధరించారు. తెలుగులో ఈ చిత్రాన్ని దిల్ రాజు రిలీజ్ చేస్తున్నారు.

More from Filmibeat