'దశావతారం' షో టైమ్ ఫిక్సైంది

By Staff

| Published: Saturday, May 31, 2008, 17:44 [IST]

విలక్షణ నటుడు కమల్ హాసన్ నటించిన 'దశావతారం' చిత్రానికి మొత్తానికి చిక్కులన్నీ వీడిపోయాయి. ఈ చిత్రంపై హిందూ సంస్ధలు దాఖలు చేసిన రెండు పిటీషన్లను మద్రాసు హైకోర్టు కొట్టివేసింది. చిత్రంలోని కొన్ని సన్నివేశాలు హిందువులు మనోభావాలు దెబ్బతీసి అప్రదిష్ట పాలుచేసేవిగా ఉన్నాయంటూ 'శ్రీ వైష్ణవ ధర్మ సంరక్షణ సమితి'న్యాయస్ధానంలో సవాలు చేసింది. దానికి కోర్టు స్పందిస్తూ 'ఒక చిత్రాన్ని సెన్సార్ బోర్డు అనుమతించి,ప్రజలకు ప్రదర్శించడానికి సర్టిఫికెట్ జారీ చేసిన తర్వాత చిత్రం ప్రదర్శనకు వ్యతిరేకంగా కోర్టు జోక్యం చేసుకోజాలదు' అంటూ స్పష్టం చేసింది.

ఈ చిత్రాన్ని ఏక కాలంలో హిందీ,తెలుగు, తమిళ, భాషల్లో విడుదల చేస్తున్నారు. ఇతర భాషల్లోకి దీన్ని సబ్ టైటిల్‌తో తీసుకు వెళ్లే ప్రయత్నాల్లో ఉన్నారు. ఈ కార్యక్రమాలు పూర్తికావడం ఆలస్యం కావడంతో విడుదల వాయిదా వేసినట్లు ఆస్కార్ ఫిల్మ్ వర్గాలు మీడియాకు తెలిపాయి. సుమారు వెయ్యి ప్రింట్లతో ప్రేక్షకుల ముందుకు తీసుకు వస్తున్నారు. దాదాపు రెండున్నర ఏళ్ల పాటు చిత్రీకరణ జరుపుకున్న ఈ చిత్రంపై మొదటి నుంచి అంచనాలు భారీగా ఉన్నాయి. దేశవ్యాప్తంగా ఈ సినిమా జూన్ 12న వెండితెరపైకి రానుంది.