'వై దిస్‌ కొలావరి డి'కు కాపి రైట్స్ సమస్య

కొలావరి డి పాటతో యువతను ఉర్రూతలూగించిన ధనుష్ కి ఇప్పుడు కొత్త తలనొప్పి పట్టుకుంది. ఆ పాట కాపీ రైట్స్ తనకు కావాలంటే, తనుకు కావాలంటూ షారూఖ్ ఖాన్, అక్షయ్ కుమార్ పోటీ పడుతున్నారు. షారూఖ్ ఖాన్ ఆ పాట హిందీ రైట్స్ కోసం ధనుష్ మామగారైన రజనీకాంత్ ని కలిసారు. అప్పటికే అక్షయ్ కుమార్ ఆయన్ని కలిసి మాట్లాడి వెళ్లారు. దాంతో రజనీకాంత్ తనకీ తలనొప్పి ఎందుకుని వెళ్లి తన అల్లుడు ని అడగమని, తను ఆ పాటలో కానీ, ఆ పాటలో కానీ ఇన్వాల్స్ కావటంలేదని తేల్చి చెప్పేసాడు. దాంతో ధనుష్ పరిస్దితి ఇప్పుడు వీళ్లద్దరిలో ఎవరికి ఇవ్వాలి అనేది డైలమోలో పడింది. మరో ప్రక్క సౌత్ ఇండియన్ సినిమాలను, పాటలను కంటిన్యూ రీమేక్ చేయటమే జీవితాశయంగా పెట్టుకున్న సల్మాన్ ఖాన్ కూడా ఈ పోటీలోకి దిగబోతున్నట్లు తెలుస్తోంది. అయితే ధనుష్ ఇప్పుడు తన పాట త్రీ సినిమాలోది కాబట్టి దానిని ఎవరైతే రైట్స్ తీసుకుంటారో వారికే ఆ పాట రైట్స్ చెందుతాయని, విడిగా ఆ పాట రైట్స్ ఇవ్వనని తేల్చి చెప్పినట్లు సమాచారం.

అయితే ఇద్దరు స్దార్స్ మాత్రం ఎవరో ఒకరు ఆ పాటను సొంతం చేసుకోవాలని పట్టుదలతో తిరుగుతున్నారు. ఇక పాట నేపధ్యంలోకి వస్తే...ఓ సాదాసీదా అబ్బాయి. ప్రేమలో పడ్డాడు. కొన్ని కారణాలవల్ల ప్రేమలో ఓడిపోయాడు. బాధలో ఒక పాట పాడాడు. అదీ తంగ్లీష్‌ (తమిళ్‌+ఇంగ్లీష్‌)లో. 'యో బోయిస్‌ అయామ్‌ సింగింగ్‌ ఎ సాంగ్‌. సూప్‌ సాంగ్‌..ఫ్లాప్‌ సాంగ్‌. వై దిస్‌ కొలావరి డి...... వైట్‌ స్కిన్ను గరలు. గరలు హార్టు బ్లాకు... ఐసు ఐసు మీటు.. మై ఫ్యూచర్‌ డార్కు... వై దిస్‌ కొలావరి డి...''. అలా సాగిపోతుందీ పాట. ఆ ఫ్లాప్‌ సాంగే ఇవాళ ఖండాలను దాటుకుని కుర్రకారునేగాక, అమితాబ్‌ వంటి సెలబ్రిటీలను సైతం ఆకట్టుకుంటోంది. యూ ట్యూబ్‌, ఫేస్‌బుక్కుల్లో కోలాహలం సృష్టిస్తోంది. ఇక 'వై దిస్‌ కొలావరి డి' అంటే అర్ధం ఏంటో తెలుసా? 'చంపెయ్యాలన్నంత కసి ఎందుకే!' అని.