షాకింగ్.. దిలీప్ ముందే పెళ్లైందట.. మంజు వారియర్ సెకండ్ హ్యాండ్!

లైంగిక దాడి కేసులో కొత్త మలుపు

మలయాళ నటి లైంగిక దాడి కేసులో గురించి విచారిస్తుండగా దిలీప్ మొదటి పెళ్లి పోలీసుల దృష్టికి వచ్చింది. తన దూరపు బంధువును రిజిస్టర్ ఆఫీస్‌లో పెళ్లి చేసుకొన్నట్టు పోలీసులు గుర్తించారు. అయితే ఈ పెళ్లి 1990లో దిలీప్ సినిమా ఎంట్రీకి ముందే జరిగింది. అయితే మొదటి భార్య నుంచి అధికారికంగా విడాకులు తీసుకోలేదు అని పోలీసు వర్గాలు పేర్కొంటున్నాయి.

Recommended Video

Dileep Arrested In Actress Abduction Case | Filmibeat Telugu

మొదటి భార్య గల్ఫ్‌లో..

మొదటి భార్యతోనూ దిలీప్‌కు సంబంధాలు ఉన్నాయనేది తాజా సమాచారం. ప్రస్తుతం ఆమె గల్ఫ్‌లో ఉంటున్నట్టు తెలుస్తున్నది. అయితే తన మొదటి భార్యను మీడియాకు దూరంగా ఉంచడంలో దిలీప్ వ్యూహాత్మకంగా వ్యవహరించినట్టు తెలుస్తున్నది. మొదటి భార్య గురించి పోలీసులు వెల్లడించిన సమాచారం సినీ పరిశ్రమను నివ్వెరపాటుకు గురిచేసింది.

మంజు వారియర్‌తో రెండో పెళ్లి

చిత్ర పరిశ్రమలో ప్రవేశించిన తర్వాత దిలీప్ నటనకు ప్రేక్షకుల నుంచి మంచి స్పందన వచ్చింది. ఆ క్రమంలో నటి మంజు వారియర్‌ను 1998 అక్టోబర్ 20వ తేదీన వివాహం చేసుకొన్నాడు. పెళ్లి తర్వాత వరుస విజయాలతో దూసుకెళ్లాడు. కొద్ది సమయంలోనే దిలీప్ సూపర్‌స్టార్‌గా మారాడు. సాఫీగా సాగుతున్న దాంపత్య జీవితంలో మరో నటి కావ్య మాధవన్ ప్రవేశించింది.

కావ్య మాధవన్‌తో అఫైర్

మాలీవుడ్‌లో దిలీప్, కావ్య మాధవన్ జంటగా నిలిచిన చిత్రాలకు ప్రేక్షకులు నీరాజనం పట్టారు. దాంతో వారు నటించిన చిత్రాలు వరుస విజయాలు సాధించాయి. మలయాళ చిత్ర పరిశ్రమలో దిలీప్, కావ్య హాట్ ఫేవరెట్ జంటగా మారారు. వారి మధ్య పరిచయం ప్రేమగా మారి విడిపోలేనంతగా బంధం ఏర్పడింది.

ఆ కారణంగానే నటిపై లైంగిక దాడి..

మంజు వారియర్‌కు మోసం చేస్తున్నారనే కారణంతో దిలీప్, కావ్యలను లైంగిక దాడికి గురైన నటి హెచ్చరించింది. అంతేకాకుండా మంజుకు వారిద్దరి అఫైర్ గురించి చెప్పింది. దాంతో లైంగిక దాడి గురైన నటిపై దిలీప్, కావ్య ద్వేషం పెంచుకొన్నారు. ఈ నేపథ్యంలో దిలీప్, మంజు మధ్య విభేదాలు పెరిగాయి. దాంతో వారిద్దరూ 2015లో విడాకులు తీసుకొన్నారు. ఆ తర్వాత కావ్య మాధవన్‌ను దిలీప్ పెళ్లి చేసుకొన్నారు. తమ అఫైర్‌ను బయటపెట్టిందనే కోపంతో నటిపై లైంగికదాడి చేయించాలని ప్లాన్ చేసినట్టు దిలీప్‌పై ఆరోపణలు వచ్చాయి. ఈ కేసులో ఇటీవల దిలీప్‌ను అరెస్ట్ చేశారు.

మంజు వారియర్ సోదరుడి విచారణ

ఈ కేసులో దిలీప్ బెయిల్‌కు ప్రయత్నిస్తున్నారు. ఈ క్రమంలో కేరళ పోలీసులు మంజు వారియర్ సోదరుడు మధు వారియర్‌ను విచారించారు. దిలీప్ వ్యవహారశైలి, ప్రవర్తన గురించి అడిగి తెలుసుకొన్నారు. ఈ విచారణలో పలు అంశాలను మధు వారియర్ పోలీసులకు వెల్లడించినట్టు తెలుస్తున్నది.