సూపర్ స్టార్ ని ఓ పట్టు పట్టమన్న దర్శకుడు..!?

రజనీకాంత్ జీవితాన్ని ఆధారం చేసుకుని ఆయన కుమార్తె సౌందర్య 'సుల్తాన్ ది వారియర్" అనే యానిమేషన్ ఫిల్మ్ ఆరంభించిన విషయం తెలిసిందే. దీనికి సౌందర్యే దర్శకత్వ బాధ్యతలు చేపట్టింది. కానీ మధ్యలో ఆ బాధ్యతను కె యస్ రవికుమార్ కి అప్పగించింది. యానిమేటెడ్ వర్షన్ లో రజనీ బొద్దుగా ఉన్నాడట. ఈ చిత్రంలో కొన్ని సన్నివేశాల్లో లైవ్ రజనీ కూడా కనిపిస్తాడు. అందుకని యానిమేటెడ్ రజనీకి మ్యాచింగ్ గా ఉండాలంటే రజనీకాంత్ మరి కాస్త బరువు పెరగాలట. కెయస్ రవికుమార్ ఈ విషయం చెప్పి మీరు ఆహారాన్ని ఓ పట్టు పట్టి బరువు పెరిగితే బాగుంటుందని రజనీతో అన్నాడట. అందుకు సూపర్ స్టార్ రజనీకాంత్ కూడా అంగీకరించినట్టు సమాచారం.