Don't Miss!
- News కాలేజ్ క్యాంపస్ లో పోలిటికల్ లీడర్ కూతురి హత్య, కన్న కూతుర్ని ఎవరు ఎలా చంపారో చెప్పిన లీడర్ !
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
వారి గొప్పదనంపై సినిమాలు తీసినందుకు సిగ్గేస్తోంది.. దారుణ ఘటనపై డైరెక్టర్ కామెంట్స్
కోలీవుడ్ కాప్ సినిమాలకు కేరాఫ్ అడ్రస్ డైరెక్టర్ హరి. ఆయన తీసిన చిత్రాల్లో దాదాపు పోలీసుల గొప్పదనాన్ని చాటిచెప్పేవే. కర్తవ్యం, విధి నిర్వహణ, బాధ్యతలతో కూడుకున్న పోలీసు కథలను తెరకెక్కించి భారీ సక్సెస్ కొట్టాడు. సామి, సింగం, సింగం 2, సింగం 3 వంటి సినిమాలను తెరకెక్కించిన హరి ప్రస్తుతం తెగ ఫీలవుతున్నాడు. తమిళనాడులో పోలీసుల దారుణ ప్రవర్తనపై హరి ఎమోషనల్ అయ్యాడు. ఇంతకీ ఏం జరిగిందో ఓ సారి చూద్దాం.
సామాన్యులపై పోలీసుల జులుం..
ట్యూటికోరన్లో లాక్ డౌన్లో తమ షాపును చెప్పిన సమయం కంటే ఎక్కువ సేపు తెరిచి ఉంచినందుకు జయరాజ్, ఫినిక్స్లను పోలీసులు కస్టడీలోకి తీసుకున్నారు. అక్కడ వారు పెట్టిన చిత్ర హింసలు, ప్రయోగించిన థర్డ్ డిగ్రీ మూలంగా వారిద్దరు ప్రాణాలు వదిలారు. ఈ ఘటనతో దేశం మొత్తం ఉలిక్కిపడింది.
ఆలస్యంగా వెలుగులోకి..
ఆ తండ్రీకొడుకులు పోలీసుల అన్యాయానికి బలైన ఘటన ఆలస్యంగా వెలుగులోకి వచ్చింది. దీంతో ఈ ఘటనపై ఆగ్రహ జ్వాలలు వెల్లువెత్తాయి. సోషల్ మీడియా మొత్తం అట్టుడుకుంది. Justice For Jeyaraj And Fenix అనే హ్యాష్ ట్యాగ్ తమిళ ప్రజలు దేశమంతా ట్రెండ్ చేశారు.
వివరించిన సుచిత్ర..
తమిళ నాడులో జరిగిన ఈ ఘటన భాష వల్ల అందరికీ చేరడం లేదని, ఇంగ్లీష్లో వివరించింది. అసలు జరిగింది ఏంటి?పోలీసులు ఎంత క్రూరంగా ప్రవర్తించారో పూస గుచ్చినట్టు చెప్పుకొచ్చింది. సుచిత్ర షేర్ చేసిన వీడియా చాలా మందికి చేరుకుంది. రోజురోజుకూ ఈ ఘటనపై పోరాటం తీవ్రతరం దాల్చుతోంది.
సెలెబ్రిటీలు ఫైర్..
పోలీసుల దౌర్జన్యంపై సెలెబ్రిటీలు ఫైర్ అయ్యారు. కుష్బూ, హన్సిక, జయం రవి, జీవా, విశాల్, శృతీ హాసన్, పా రంజిత్ వంటి వారంతా స్పందించారు. ఈ ఘటనకు తగిన న్యాయం జరిగే వరకు ఊరుకునే ప్రసక్తే లేదని అంటున్నారు. కేవలం పోలీసులను సస్పెండ్ చేస్తే సరిపోదని పేర్కొన్నారు.
సినిమాలు తీయడం బాధగా ఉంది..
పోలీసులు చేసిన ఈ పనిపై దర్శకుడు హరి స్పందిస్తూ.. ‘మరోసారి ఇలాంటి ఘటనలు తమిళనాడులో పునరావృత్తం కాకూడదు. కొందరు అధికారుల వల్ల మొత్తం డిపార్ట్మెంట్కు చెడ్డ పేరు వస్తుంది. నా ఐదు చిత్రాల్లో పోలీసులను గొప్పగా చూపించినందుకు బాధగా ఉంది. ఈ ఘటనకు బాధ్యులైన వారిని కఠినంగా శిక్షించాలి' అని పేర్కొన్నాడు.