అంజలిపై కంప్లైంట్... మళ్లీ వివాదం

By Srikanya

| Published: Sunday, April 28, 2013, 12:41 [IST]

చెన్నై : ఇటీవల సంచలనం రేకెత్తించిన అంజలి మరో వివాదానికి కేంద్ర బిందువైంది. సినిమా చిత్రీకరణకు గైర్హాజరై ఇబ్బందిపెడుతున్నందున హీరోయిన్ అంజలిపై ఫిర్యాదు చేసేందుకు తమిళ దర్శకుడు, నటుడు కలంజియమ్‌ నిర్ణయించుకొన్నారు. దాంతో సర్దుమణిందనుకున్న వివాదం మళ్లీ రేగినట్లైంది.

కలంజియమ్‌ రూపొందించే 'వూర్‌ సుట్రి పురాణం' అనే చిత్రంలో అంజలి నటించాల్సి ఉంది. అయితే షూటింగ్ కు రావట్లేదని అందుకే దక్షిణ భారత నటీనటుల సంఘంలో ఫిర్యాదు చేస్తానని దర్శకుడు మీడియాకి చెప్పారు.

కలంజియమ్‌ మాట్లాడుతూ ''నేను తీస్తున్న చిత్రం కథానాయిక ప్రాధాన్యం ఉన్నది. చిత్రీకరణ ప్రారంభమయ్యాక 15 రోజుల పాటు అంజలి నటించింది. కొంత భాగం చిత్రీకరణ మిగిలి ఉంది. ఇది గురువారం మొదలైంది. అయితే అంజలి పాల్గొనలేదు అన్నారు.

అలాగే అంజలి లేకుండా సినిమా పూర్తవడం అసాధ్యం. అందుకే షూటింగ్ రద్దు చేయాల్సి వచ్చింది. ఫోనులో సంప్రదించేందుకు విఫలయత్నం చేశా. ఈ సినిమా కోసం ఇప్పటికే రూ.40లక్షలు వెచ్చించాం. ఈ విషయమై ఆమెపై నటుల సంఘంలోనూ నిర్మాతల మండలి, దర్శకుల సంఘంలో ఫిర్యాదు చేయబోతున్నాను అన్నారు.

Comments

English summary

Kalanjiyam, the director of Tamil movie 'Oor Suttri Puranam', has lodged a complaint against film heroine anjali in Nadagar Association( Actors Guild) as she is not attending the shooting of the film.The director, who was also the producer of this movie has invested Rs.40 lakhs so far and anjali too attended the shooting of the film for 15 days.

Story first published: Sunday, April 28, 2013, 12:41 [IST]

Other articles published on Apr 28, 2013