Don't Miss!
- News రెండో రోజు నామినేషన్ల జోరు: 69 నామినేషన్లు వేసిన 57 మంది అభ్యర్థులు, ప్రముఖులు వీరే
- Sports ధోనీ ట్రేడ్మార్క్ సిక్సర్..101 మీటర్ల దూరం Video
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
బతికుండగానే సినీ నటుడి శ్రద్దాంజలి పోస్టర్.. వారం తర్వాత నిజంగానే చనిపోయాడు
'అదిగో పులి' కథ చిన్నప్పుడు అందరూ వినే ఉంటారు. పులి లేకున్నా వచ్చినట్లు బాలుడు అబద్ధం ఆడడం.. ఆ తర్వాత నిజంగానే వచ్చినా ఎవరూ నమ్మక అతడు చనిపోవడం.. ఈ కథలో ఉంటుంది. ఈ కథలో అబద్ధాలు ఆడకూదడు అన్న నీతి ఉంటుంది. తాజాగా సరిగ్గా దానిని గుర్తు తెచ్చే విధంగా తమిళనాడులో ఓ సంఘటన జరిగింది. అయితే, అతడిని ఏ జంతువు చంపేయలేదు. కానీ, చనిపోయాడు. అది మరెవరో కాదు ఓ సినీ నటుడు. అవును.. ఓ సినీ నటుడు ఇదే తరహాలో చనిపోయాడు.
తమిళనాడులోని తూత్తుకుడి జిల్లా కాయల్పట్టణంకు చెందిన ఆర్ఎస్ గోపాల్ షామియానా సప్లయర్స్ వ్యాపారం చేస్తున్నాడు. తన వ్యాపారానికి సంబంధించి అతను చేసే విన్నూత్న ప్రకటనలు బాగా పాపులర్ అయి, అతని వ్యాపారాభివృద్ధికి దోహదపడింది. గోపాల్కు ఇటీవల ఓ సినిమాలో విలన్గా నటించే అవకాశం దక్కింది. ఆ చిత్రంలో విలన్ మృతిచెంది శ్రద్ధాంజలి ఘటించే దృశ్యాలున్నాయి. ఇందుకోసం విలన్గా ఉన్న గోపాల్ ఫోటోతో కూడిన శ్రద్ధాంజలి పోస్టర్లు ఊరంతా వెలిశాయి.
ఈ పోస్టర్లను గమనించిన స్నేహితులు హూటాహుటిన గోపాల్ ఇంటికి చేరుకోగా, అది షూటింగ్లో భాగమేనని తెలిసింది. ఈ నేపథ్యంలో, గత శనివారం మళ్లీ గోపాల్ శ్రద్ధాంజలి పోస్లర్లు పట్టణంలో దర్శనమిచ్చాయి. దీనిని గమనించిన స్నేహితులు 'ఇది సినిమాలో భాగమేనంటూ' మిన్నకుండి పోగా, మరికొందరు మాత్రం సందేహించి గోపాల్ ఇంటికి ఫోన్ చేయగా, అనారోగ్యంతో ఆయన నిజంగా మృతిచెందినట్టు తెలిసింది. వారం క్రితం సరదాగా వేసిన పోస్టర్ అంతలోనే నిజం కావడం చర్చనీయాంశంగా మారింది. చనిపోయింది సినీ నటుడు కావడంతో ఈ విషయం తమిళనాడుతో పాటు దేశ వ్యాప్తంగా సంచలనం అయింది.