ఒకే సినిమాలో జెనీలియా, కాజల్, కలర్స్ స్వాతి

ముద్దుగుమ్మలు జెనీలియా, కాజల్‌, కలర్స్ స్వాతి కలిసి 'వేలాయుధం" అనే తమిళ చిత్రంలో నటిస్తున్నారు. ఇళయదళపతి విజయ్‌ హీరోగా రూపొందుతున్న ఈ చిత్రాన్ని జయం రవి దర్శకత్వం వహిస్తున్నారు. అలాగే ఈ చిత్రానికి హరీస్‌ జైరాజ్‌ సంగీత దర్శకుడు. జూన్ ‌లో ఈ చిత్రం ప్రారంభం కానుంది. ఇక జెనీలియా, కాజల్‌ హీరోయిన్స్ గా నటిస్తుండగా, ప్రాధాన్యత ఉన్న చెల్లెలు పాత్రలో కలర్స్‌ స్వాతి కనిపించనుంది. ఇప్పటివరకు కలిసి నటించని ఈ ముగ్గురు నటిస్తున్న 'వేలాయుధం" తెలుగులోనూ విడుదల చేయాలనే ఆలోచనలో నిర్మాతలు ఉన్నారు. ఇక జెనీలియా ప్రస్తుతం తెలుగులో రామ్ చరణ్ సరసన ఆరెంజ్ చిత్రంలో హీరోయిన్ గా చేస్తోంది. అలాగే కాజల్...రామ్ చరణ్ సరసన మెరుపు చిత్రంలో బుక్కయింది.