జెనీలియాని వదలలేకపోతున్న 'బొమ్మరిల్లు' భాస్కర్‌

'బొమ్మరిల్లు' చిత్రంలో జెనిలియాను హాసిని గా చూపి హిట్టిచ్చిన దర్శకుడు భాస్కర్ ఆమెను తన తాజా చిత్రం 'ఆరెంజ్‌' లో ఆఫరిచ్చారు. అలాగే ఈ చిత్రం షూటింగ్ లో ఉండగానే ఆయన..కార్తీ హీరోగా ఓ చిత్రం ఓకే చేయించుకున్నారు. అయితే ఆ చిత్రంలోనూ హీరోయిన్ గా జెనీలియానే ఆయన ప్రిఫర్ చేస్తున్నట్లు సమాచారం. తమిళ, తెలుగు భాషల్లో రూపొందే ఈ చిత్రంలో ఆఫర్ రావటంతో జెనీలియా ఎగిరి గంతేస్తోందని వినికిడి. ఛత్రపతి ఫేమ్ బి.వి.యస్.యన్ ప్రసాద్ నిర్మించే ఈ చిత్రానికి దేవిశ్రీ ప్రసాద్ సంగీతం అందిస్తున్నారు. ఇక భాస్కర్ ప్రస్తుతం రామ్ చరణ్ చిత్రం షూటింగ్ నిమిత్తం మలేషియాలో ఉన్నారు.