అదా అనూష్క మాస్టర్ ప్లాన్?

తమిళంలో ఇప్పుడు ఎక్కడ విన్నా అనూష్క భజన వినపడుతోంది. అయితే ఆమె అక్కడ డైరక్ట్ గా చేసింది రెండు అనే సినిమా మాత్రమే. అదీ అంతంత మాత్రమే ఆడింది. అలాగే ఆ తర్వాత చాలా కాలానికి అరుంధతి డబ్బిగ్ వెర్షన్ రిలీజై ఫ్లాఫ్ టాక్ తెచ్చుకుంది. మరి ఇలాంటి పెద్దగా హిట్లు, సినిమాలు లేని అనూష్క గురించి మీడియా ఎందుకంత ప్రాధాన్యత ఇస్తోందని చాలా మందికి సందేహం వచ్చింది. దాంతో కొందరు ఉత్సాహవంతులు ఈ విషయమై ఎంక్వైరీ చేస్తే కొన్ని షాకింగ్ నిజాలు బయిటపడ్డాయి.

అనూష్క తన కోసం ప్రత్యేకంగా తమిళనాడులో ఓ పీ.ఆర్.వో ని పెట్టుకుంది. అతను మీడియా వారికి ప్రత్యేకమైన ఆఫర్ ఇచ్చాడని తేలింది. అనూష్క గురించి ఏ రకమైన న్యూస్, గ్యాసిప్ రాసినా వారిని కలిసి ఓ ఖరీదైన గిప్ట్ అందచేస్తున్నాడు. అలాగే ఛానెల్స్ లో కూడా అనూష్క ఇంటర్వూలు, ఆమె సినిమాల క్లిప్స్ తో పోగ్రాములు వచ్చేలా ఏర్పాటు చేసాడు. అయితే ఈ ప్లాన్ వెనుక అనూష్క మైండ్ ఉందని సమాచారం. పైకి పబ్లిసిటీ వద్దు మీడియాకు దూరం అనే ఆమే ఈ మాస్టర్ ప్లాన్ వేసి తమిళనాడులో తనకంటూ గుర్తింపు తెచ్చుకుంటోంది. అందుకు ప్రతిఫలంగా ఆమె తమిళ టాప్ హీరో విజయ్ ప్రక్కన ఛాన్స్ కొట్టేసిందని చెప్పుకుంటున్నారు. ఇది చూసి కంగారుపడ్డ మిగతా హీరోయిన్స్ కూడా తమ పీఆర్వోలపై ఒత్తిడి తెస్తున్నారని సమాచారం.