Don't Miss!
- Sports ధోనీ ట్రేడ్మార్క్ సిక్సర్..101 మీటర్ల దూరం Video
- News కోనసీమ జిల్లాలో జనసేన ఖాళీ.. మరో నేత రాజీనామా
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
కమల్ను వెంటాడుతున్న ఉత్తమ విలన్.. అప్పు చెల్లించలేదని నిర్మాత కేసు
విలక్షణ నటుడు కమల్ హాసన్కు తమిళనాడు సినీ పరిశ్రమలో ఎదురు దెబ్బ తగిలింది. తనకు తిరిగి చెల్లించాల్సిన సొమ్మును ఇవ్వడం లేదని ప్రముఖ నిర్మాత జ్ఞానవేల్ రాజా తమిళనాడు సినీ నిర్మాతల సంఘంలో ఫిర్యాదు చేశారు. గత కొద్దికాలంగా తనకు డబ్బు తిరిగి ఇవ్వాలని చేసిన విజప్తికి కమల్ స్పందించకపోవడంతో జ్ఞానవేల్ రాజా తీవ్రమైన నిర్ణయం తీసుకొన్నారని తమిళ సినీ వర్గాలు పేర్కొంటున్నాయి. ఈ క్రమంలో కమల్, జ్ఞానవేల్ రాజా మధ్య వివాదం మరింత ముదిరింది.
ఉత్తమ విలన్ సినిమా సమయంలో
నిర్మాత జ్ఞానవేల్ రాజా, నటుడు కమల్ హాసన్కు మధ్య తలెత్తిన వివాదానికి ఉత్తమ విలన్ మూవీ కీలకంగా మారింది. ఆ సినిమా షూటింగ్ సమయంలో రూ.10 కోట్లు తీసుకొన్నట్టు జ్ఞానవేల్ రాజా తన ఫిర్యాదులో పేర్కొన్నారు. పలు మార్లు తిరిగి ఇవ్వాలని చేసిన సూచనను పెడచెవిన పెట్టడంతో ఈ నిర్ణయం తీసుకోవాల్సి వచ్చిందని జ్ఞానవేల్ రాజా పేర్కొన్నారు.
ఆర్థిక ఇబ్బందుల్లో కూరుకుపోవడంతో
2015లో ఉత్తమ విలన్ అనే చిత్రంలో కమల్ హాసన్ నటించాడు. నటుడు రమేష్ అరవింద్ దర్శకత్వం వహించిన ఆ చిత్రం ఆర్థిక ఇబ్బందుల్లో కూరుకుపోయి రిలీజ్కు సమస్యలు ఏర్పడ్డాయి. ఆ సమయంలోనే జ్ఞానవేల్ రాజా నుంచి అప్పుగా రూ.10 కోట్లు తీసుకొన్నారు. అప్పటి నుంచి డబ్బు వెనుకకు ఇవ్వకుండా ఇబ్బంది పెడుతున్నట్టు సినీ వర్గాలు పేర్కొంటున్నాయి. అదే విషయాన్ని తన ఫిర్యాదులో కూడా జ్ఞానవేల్ రాజా పేర్కొన్నారు.
సినిమా డేట్స్ ఇస్తానని చెప్పి
జ్ఞానవేల్ రాజా నుంచి అప్పుగా తీసుకొనే సమయంలో కమల్ హాసన్ హామీ ఇచ్చారు. తాను రూపొందించే సినిమాలో ఆయన నటిస్తానని చెప్పారు. ఆ క్రమంలో తన రెమ్యునరేషన్లో రూ.10 కోట్ల తగ్గించుకొంటానని చెప్పారు. సినిమా రిలీజై నాలుగు సంవత్సరాలు గడిచినా కమల్ హాసన్ డేట్స్ ఇవ్వలేదు.. డబ్బు తిరిగి ఇవ్వలేదు అని జ్ఞానవేల్ రాజా మీడియాకు వివరించారు.
అందుకే కేసు పెట్టాను
తనతో సినిమా చేయడానికి కమల్ హాసన్ ఉత్సాహం చూపించడం లేదు. అందుకోసమే నేను నిర్మాతల సంఘంలో ఫిర్యాదు చేయాల్సి వచ్చిందని జ్ఞానవేల్ రాజా తెలిపారు. కమల్ హాసన్పై జ్ఞానవేల్ రాజా చేసిన ఫిర్యాదును తమిళ నిర్మాతల సంఘం ధ్రువీకరించింది. ఇక కమల్ హాసన్ విషయానికి వస్తే ప్రస్తుతం శంకర్ దర్శకత్వంలో ఇండియన్ 2 చిత్రంలో నటిస్తున్నారు.