దర్శకుడువుతున్న క్రేజీ హీరో

గతంలో ఎన్టీఆర్ వంటి మహా నటులు అటు నటిస్తూనే ఇటు డైరక్షన్ భాధ్యతలు చేపట్టి ఘన విజయాలు సాధించారు. అయితే ఆ తర్వాత కాలంతో కృష్ణ తప్ప స్టార్ హీరోలు ఎవరూ దర్శకత్వం భాద్యతలు చేపట్టలేదు. అయితే ఇప్పుడు మరో స్టార్ హీరో, లవర్ బోయ్ ఇమేజ్ సొంతం చేసుకున్న సిద్దార్ధ దర్శకుడు కాబోతున్నట్లు విశ్వసనీయ సమాచారం. ప్రకాష్ రాజ్ నిర్మాతగా ఈ చిత్రం తెరకెక్కనుందని తెలుస్తోంది. క్యాజువల్ గా సిద్దార్దకి తనదగ్గరున్న కథ చెప్పిన ప్రకాష్ రాజ్ కి సిద్దార్ధ కొన్ని సలహాలు అలవోకగా ఇచ్చారని, అవి విన్న ఆయన వెంటనే ఆలోచనలో పడ్డారని అంటున్నారు.

ఆ తర్వాత రెండు రోజులకు ప్రత్యేకంగా పిలచి ఆ కథను నువ్వే డైరక్ట్ చేయాలని అడిగారు. ప్రారంభంలో మణిరత్నం వద్ద అసెస్టింట్ డైరక్టర్ గా పనిచేసిన అనుభవం, చుక్కల్లో చంద్రుడు చిత్రానికి దాదాపు పూర్తి స్ధాయి దర్శకత్వం చేయటం తో వెంటనే ఓకే చేసారని చెన్నై వర్గాలు చెప్పుకుంటున్నారు. ఇక ఎప్పటినుంచో సిద్దార్ధకు దర్శకత్వ విభాగంపై కోరిక ఉందని, అందుకే అతను కొత్త దర్శకులకు అవకాశాలు ఇచ్చి పనిలో వేలు పెడుతూంటాడని వింటున్నదే. అది ఇప్పడు నిజం కాబోతోందన్నమాట..అతను హిట్ కొట్టాలని..పుట్టిన రోజు శుభాకాంక్షలు చెపుతూ కోరుకుందాం.