సింగర్ గా మరో హీరో

By Staff

| Published: Wednesday, May 28, 2008, 17:34 [IST]

అంటే సింగర్ పాత్రతో ఓ సినిమా వస్తోందని కాదు. తెరపై నటుడుగానే గాక గాయకుడుగానూ ప్రూవ్ చేసుకోవటానకి మరో హీరో రెడీ అవుతున్నారని అర్థం . సినిమా పుట్టిన మొదటి రోజుల్లో హీరో, హీరోయిన్లు స్వయంగా తామే పద్యాలు,పాటలు పాడుకుంటూ సినిమాల్లో నటించేవారు. తరువాత సాంకేతికంగా డవలప్ అయిన ఈ రోజుల్లో వారికి వేరే వారు పాడటం, డబ్బింగ్ చెప్పటం కామన్ గా మారింది. దాన్ని అప్పుడప్పుడూ కొందరు హీరోలు ఒక పాట పాడి బ్రేక్ చేస్తున్నారు. వెరైటీ కోసం ప్రయత్నం చేస్తున్న ఆ వరసలో చిరంజీవి, ఎన్టిఆర్ వంటి పెద్ద హీరోలు కూడా ఉన్నారు. తాజాగా ఆ లిస్టులోకి తమిళ హీరో విక్రమ్ కూడా చేరారు. ఆయన ప్రస్తుతం సుసీ గణేషన్ దర్శకత్వంలో తెలుగు, తమిళ భాషల్లో చేస్తున్న 'కందస్వామి' చిత్రం లో తన గొంతు వినిపించనున్నారట. ఆ సినిమా తెలుగులో 'మల్లన్న' అనే పేరుతో అనువదిస్తున్నారు. అందులోనూ ఆయన పాడతారట. బెస్ట్ ఆఫ్ లక్ విక్రమ్!