Don't Miss!
- Sports SRH vs RCB ఉప్పల్ మ్యాచ్కు భారీ అడ్డంకి..!
- News Gannavaram: ఒకే రోజు వంశీ, యార్లగడ్డ నామినేషన్- ఇద్దరికీ షాక్..?
- Lifestyle నిమ్మరసంతో ఇన్ని ప్రయోజనాలాా..? కిడ్నీలో రాళ్లు కూడా మాయం, ఇంకా ఎన్నో..!
- Finance HDFC Bank: అంచనాకు అనుగుణంగానే హెచ్డీఎఫ్సీ బ్యాంక్ ఫలితాలు..!
- Automobiles త్వరలోనే ఎయిర్ ట్యాక్సీ సర్వీస్.. 7 నిమిషాల్లో 30 కి.మీ జర్నీ.. ఇండిగో గుడ్ న్యూస్
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
కిడ్నాప్ కి గురి కాబోయి చివరి క్షణంలో తప్పించుకున్న నమిత
నమితను కిడ్నాప్ చేసేందుకు జరిగిన ప్రయత్నం ఇప్పుడు తమిళనాడులో చర్చనీయాంశమైంది. ఆమె వీరాభిమాని ఆమెను కిడ్నాప్ చేయబోయి పోలీసులుకు దొరికిపోయారు. ఆ వివరాలు ఇలా ఉన్నాయి. సీనియర్ నటుడు ఎస్.ఎస్.రాజేంద్రన్ కు కరూర్ లో ఆదివారం రాత్రి జరిగిన అభినందన సభలో ఛీఫ్ గెస్ట్ గా పాల్గొనేందుకు ఆమె వెళ్తుండగా ఈ సంఘటన చోటుచేసుకుంది. తిరుచ్చి ఎయిర్ పోర్టు వెలుపల నిర్వాహకులు పంపే కారు కోసం ఎదురుచూస్తున్న నమిత వద్దకు కారు డ్రైవర్ దుస్తుల్లో వచ్చిన ఓ వ్యక్తి తనను సన్మాన కార్యక్రమానికి తీసుకెళ్లేందుకు తనను పంపారంటూ పరిచయం చేసుకున్నాడు. వాహనంలో కూర్చోగానే మెరుపువేగంతో దూసుకెళ్లసాగాడు. జరిగింది అర్థం చేసుకున్న అసలు డ్రైవర్ నిర్వాహకులకు సమాచారం అందించాడు. దీంతో తన మేనేజర్ తో కలిసి నమిత ఆ కారెక్కారు. అయితే ఈ విషయాన్ని గమనించిన అసలు డ్రైవర్ సభ నిర్వాహకులకు ఫోన్ ద్వారా సమాచారం అందించి ఆ కారును వెంబడించాడు. చివరకు నిర్వాహకులు మార్గమధ్యంలో నకిలీ కారు డ్రైవర్ ను అడ్డుకొని అతన్ని పోలీసులకు అప్పగించారు. అభిమాన నటి కావడంతో ఒక్కసారైనా ఆమెను తన కారులో ఎక్కించుకోవాలనే ఈ దుశ్చర్యకు పాల్పడినట్లు నిందితుడు పోలీసు విచారణలో పేర్కొన్నాడు. విచారణలో...అతను తిరుచ్చికి చెందిన పెరియస్వామి(26) అని, నమితకు వీరాభిమానిగా తేలింది. ఆమెపై ఉన్న అభిమానంతో ఇంతటి సాహసానికి ఒడిగట్టినట్లు వెల్లడించాడు.