నయనతార నాకన్నా గొప్పదా?

By Staff

| Published: Thursday, September 18, 2008, 16:44 [IST]

తమిళంలో టాప్ స్లాట్ లో ఉన్న నయనతార ప్లేస్ లోకి ఇలియానా రావాలని గత కొంతకాలంగా ప్రయత్నం చేస్తోంది. ఆమె ప్రయత్నాలు ఫలించి విజయ్ తన తర్వాత సినిమా లో హీరోయిన్ ప్లేస్ కి రికెమెండ్ చేసాడు. అయితే ఇప్పుడు ఇలియానా రెమ్యునేషన్ విషయంలో వారికో ట్విస్ట్ ఇచ్చింది. నయనతార కన్నా తనేమీ తక్కువ కాదని ఆమెకి ఎంత ఇస్తారో అంత అంటే కోటిన్నర రెమ్యునేషన్ ఇచ్చితీరాల్సిందేనని పట్టుపడుతోంది.

దాంతో ఇదెక్కడి ఫిటింగ్ రా బాబు అని వారు తల పట్టుకు కూర్చున్నారుట. నయనతారకి అంత సమర్పించుకోలేకే కదా నిన్ను ఆహ్వానించింది మళ్ళీ నువ్వూ అదే పాట పాడితే మా గతేం కాను అని వారు ఆమె దగ్గర మొర పెట్టుకుంటున్నారుట. అయితే ఇలియానా నేను అందుకే ఇన్నాళ్ళూ తమిళ తంబిల ఫేస్ లు చూడంది...అని చీదరించుకునేటట్లు మాట్లాడిందిట. దాంతో వారు ఈమెనే కంటిన్యూ చేయాలా లేక మరో ఇలియానా ని వెతకాలా లేక నయనతారనే బ్రతిమాలటం మేలా అన్న డైలమాలో పడ్డారట.

కారణం మరేమీ కాదు మార్కెట్ సమస్య. ఇలియానా కి అక్కడ అంత మార్కెట్ లేదు కదా ...అదే నయనతార అయితే ట్రేడ్ లో మంచి డిమాండ్ ఉంది అని వారు భావన...కాబట్టి కాస్త వారికి అలవాటయ్యే దాకా ఓపిక పడితే కోటిన్నర ఏంటి...నీ ఓపికను బట్టి ఎంతైనా డిమాండు చెయ్యచ్చు అని సీనియర్లు సలహా ఇస్తున్నారు.