166 ఫుల్ స్టాప్.. రజని ఫాన్స్ సంతోషపడాలా బాధపడాలా.. వేగంగా సూపర్ స్టార్ అడుగులు!

మురుగదాస్ దర్శత్వంలో

సందేశాత్మక చిత్రాల దర్శకుడు మురుగదాస్ ప్రస్తుతం విజయ్ తో సర్కార్ చిత్రాన్ని తెరకెక్కిస్తున్నాడు. ఈ చిత్రం తరువాత రజనీతో ఓ చిత్రం చేయబోతున్నట్లు వార్తలు వస్తున్నాయి. ఈ ప్రాజెక్ట్ విషయంలో రజని ఫాన్స్ సంతోషపడాలో, భాదపడాలో అర్థం కానీ పరిస్థితి నెలకొని ఉంది. ఇదే సూపర్ స్టార్ చివరి చిత్రం అంటూ ఊహాగానాలు జోరందుకున్నాయి.

రాజకీయాల కోసమే

సూపర్ స్టార్ ని వెండి తెర మీద చూస్తే పూనకంతో ఊగిపోయే అభిమానులు ఉన్నారు. వీళ్లంతా ఏడాదికి ఒక చిత్రంలో అయినా రజనీ నటించాలని కోరుకుంటారు. కానీ అదే అభిమానుల కోరిక మేరకు రజని రాజకీయాల్లోకి వచ్చారు. రాజకీయాల్లోకి వస్తున్నానని ప్రకటించినా ఇంత వరకు రజని పార్టీ స్థాపించలేదు.

166 ఫుల్ స్టాప్

మురుగదాస్ దర్శత్వంలో రజనీకాంత్ నటించబోయే చిత్రంతో 166 చిత్రాలు ఫినిష్ చేసినట్లు అవుతుంది. ఇంతటితో సినిమాలకు ముగింపు పలికి రాజకీయాలకు అంకితం కావాలని రజని భావిస్తున్నట్లు వార్తలు వస్తున్నాయి. అందుకోసమే రజని వేగంగా ప్రస్తుతం నటిస్తున్న పెట్ట చిత్రాన్ని పూర్తి చేసే పనిలో ఉన్నారు.

జనవరి నుంచి

మురుగదాస్ దర్శకత్వంలో నటించబోయే చిత్రం జనవరి నుంచి ప్రారంభం అయ్యే అవకాశాలు ఉన్నట్లు తెలుస్తోంది. ఈ చిత్రంలో రాజకీయ అంశాలు ఎక్కువగా టచ్ చేయబోతున్నట్లు కూడా తమిళ సినీవర్గాల్లో ప్రచారం మొదలయింది.