Don't Miss!
- Sports చరిత్ర సృష్టించిన స్టొయినిస్.. సెహ్వాగ్ రికార్డు బ్రేక్!
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఆదరిస్తే తమిళంలో స్థిరపడతా: జగపతిబాబు
జగపతి బాబు మాట్లాడుతూ తాను ఇక్కడే పుట్టి పెరిగిన వాడినన్నారు. తాను హీరోగా పరిచయమైన రోజుల్లోనే సూపర్ స్టార్ రజనీకాంత్ చిత్రలో నటించాలని దర్శకుడు పి.వాసు అడిగినప్పు డు ఎనలేని సంతోషం కలిగిందని తెలిపారు. తాండవం చిత్రం తరువాత కోలీవుడ్లో నటిస్తున్న రెండవ చిత్రం ఈ పుత్తగం అని పేర్కొన్నారు. దర్శకుడు విజయ్ ఆదిరాజ్ యూనిట్ ఈ చిత్రాన్ని చాలా బాగా తీర్చిదిద్దిందన్నారు. కోలీవుడ్ ప్రేక్షకులు ఆదరిస్తే ఇక్కడే స్థిరపడతానని జగపతిబాబు పేర్కొన్నారు. ఈ సందర్భంగా నటీమణులు రాధిక, సుహాసినీ జగపతి బాబు గ్లామర్ను ప్రశంసించారు.
మరో ప్రక్క జగపతిబాబు నటించిన 'ఆపరేషన్ దుర్యోధన 2'చిత్రం విడుదలకు సిద్దమవుతోంది. రాజకీయ చదరంగంలో గెలుపు ఎప్పుడు ఎవర్ని వరిస్తుందో చెప్పలేం. పదవి కోసం ఎత్తుకు పైఎత్తులు వేస్తూనే ఉండాలి. ముఖ్యమంత్రి పీఠం కోసం కొన్ని అరాచక శక్తులు కుట్ర పన్నుతాయి. వాటిని ఓ పోలీసు అధికారి ఎలా భగ్నం చేశాడో మా చిత్రంలో చూపిస్తున్నామన్నారు నందం హరిశ్చంద్రరావు. ఆయన దర్శకత్వం వహించిన చిత్రం 'ఆపరేషన్ దుర్యోధన 2'. జగపతిబాబు హీరోగా నటించారు.
'ఆపరేషన్ దుర్యోధన 2' లో రాష్ట్ర న్యాయశాఖా మంత్రి ఏరాసు ప్రతాప్రెడ్డి ముఖ్యమంత్రి పాత్రను పోషించారు. ఎ.బి.శ్రీనివాస్, జిట్టా సురేందర్ రెడ్డి నిర్మాతలు. దర్శకుడు మాట్లాడుతూ ''సమకాలీన రాజకీయాల నేపథ్యంగా సాగే చిత్రమిది. ఆద్యంతం ఆసక్తిగా సాగుతుంది. తన పాత్రకి ఏరాసు ప్రతాప్రెడ్డి స్వయంగా సంభాషణలు చెప్పారు. ఈ నెల 19న పాటల్ని, నెలాఖరున సినిమాను విడుదల చేయడానికి సన్నాహాలు చేస్తున్నామ''న్నారు. సోనియా అగర్వాల్, కోట శ్రీనివాసరావు, బాబూమోహన్, కత్తి కార్తీక తదితరులు నటిస్తున్నారు. సంగీతం: శ్రీలేఖ.
జగపతిబాబు తాజా చిత్రం 6 కూడా డిజాస్టర్ అయ్యింది. . ప్రస్తుతం తెలుగులో ఏప్రియల్ ఫూల్', 6, ఆపరేషన్ దుర్యోధన2 చిత్రాలు చేస్తున్నాడు. కన్నడలో సుదీప్ హీరోగా చేస్తున్న చిత్రంలో ఇన్వెస్టిగేటీవ్ పోలీస్ ఆఫీసర్గా కనిపిస్తారు. ఈ చిత్రాలతో పాటు తమిళంలో మరో సినిమా చేయబోతున్నారు. అది నవంబర్ 24న మొదలవుతుంది.