జయలలిత బయోపిక్: ఆ వివాదాలు, కేసులపైనే అందరి దృష్టి!

ఎన్టీఆర్ బయోపిక్ తీస్తున్నవారే!

తెలుగులో ఎన్టీఆర్ బయోపిక్, హిందీలో 83 చిత్రాలను నిర్మిస్తున్న విబ్రి మీడియా పతాకంపై ఈ చిత్రం రూపొందబోతోంది. విష్ణు వర్ధన్ ఇందూరి, బృంద ప్రసాద్ నిర్మాతలు. ఇందులో బాలీవుడ్‌తో పాటు సౌత్ ఇండస్ట్రీకి సంబంధించిన పలువురు ప్రముఖులు నటించబోతున్నారు. త్వరలోనే పూర్తి వివరాలు ప్రకటించబోతున్నారని ప్రముఖ ట్రేడ్ అనలిస్ట్ తరణ్ ఆదర్శ్ ట్వీట్ చేశారు.

జయలలిత బయోపిక్

ఈ చిత్రాన్ని హిందీ, తెలుగు, తమిళ భాషల్లో విడుదల చేసేందుకు ప్లాన్ చేస్తున్నారు. రాజకీయాల్లోకి రాక ముందు జయలలిత 140కిపైగా చిత్రాల్లో నటించారు. బయోపిక్‌లో ఆమె సినీ రంగ ప్రవేశం, రాజకీయాల్లోకి ఎదిగిన వైనం లాంటివి చూపించబోతున్నారు.

వివాదాలు, కేసులు

తమిళనాట గొప్పనేతగా జయలలిత గుర్తింపు పొందారు. అదే సమయంలో ఆమె రాజకీయ జీవితంలో అనేక వివాదాలు, కోర్టు కేసులు ఉన్నాయి. మరి బయోపిక్‌లో ఇవన్నీచూపిస్తారా? జయలలిత చివరి రోజుల్లో జరిగిన హైడ్రామా సినిమాలో ఉంటుందా? అనేది తెలియాల్సి ఉంది.

శోభన్ బాబు ఎపిసోడ్ ఉంటుందా?

జయలలిత, శోభన్ బాబు ప్రేమించుకున్నారని... వీరు రహస్యంగా పెళ్లి చేసుకున్నారని, వీరికి ఓ బిడ్డ కూడా ఉందనే రూమర్స్ ఉన్నాయి. ఈ విషయమై బయోపిక్ ద్వారా అయినా ఓ క్లారిటీ వస్తుందా? లేదా? అనేది వేచి చూడాలి.