‘కొలవెరి.. కొలవెరిడి..'కి ఎన్టీఆర్ డాన్స్

ధనుష్ తాజా పాట 'కొలవెరి.. కొలవెరిడి.. మూను కలరూ వైటూ..అంతటా సంచలనం క్రియేట్ చేస్తున్న సంగతి తెలిసిందే. ఈ నేపధ్యంలో ఎన్టీఆర్ అభిమానులు కొందరు తమ హీరోని ఈ పాటకు అప్లై చేస్తూ అశోక్ లని సమీరా రెడ్డి,ఎన్టీఆర్ ల డాన్స్ ను కట్ చేసి ఈ పాటను కలిపి యూ ట్యూబ్ లలో పెట్టారు. అలాగే పవన్ అభిమానులు సైతం తమ్ముడు చిత్రంలోని పాట ఆడియోను తీసేసి..ఈ పాట కలిపి యూ ట్యూబ్ లో అప్ లోడ్ చేసారు. ఇవి చాలా పాపులర్ అవుతున్నాయి. మరో ప్రక్క ఈ పాట తరహాలో మహేష్ తన తాజా చిత్రం ది బిజినెస్ మ్యాన్ కోసం టైటిల్ సాంగ్ ని పాడుతున్నారని వినపిస్తోంది.

ఇక తన భార్య ఐశ్వర్య దర్శకత్వంలో ధనుష్ హీరోగా నటించిన '3" సినిమాలోది ఈ పాట. ఈ చిత్రంతో పరిచయమవుతున్న సంగీత దర్శకుడు అనిరుధ్ రవిచంద్ర ఈ పాటకు సంగీతం కూర్చారు. అలాగే ఈ పాటను స్వయంగా ధనుష్ రాసి, పాడటం మరో విశేషం. ఇంగ్లిష్ లిరిక్స్‌తో సాగే ఈ పాటలో తప్పులు ఎన్నో కనిపిస్తాయి. అయితే వాటిని ప్రక్కన పెట్టి ఆ ఫీల్ ని యూత్ పట్టుకుని పాపులర్ చేసింది. ఇక ఈ పాట లిరిక్ ఇలా సాగుతుంది..'కొలవెరి.. కొలవెరిడి.. మూను కలరూ వైటూ.. వైటూ.. బ్యాక్‌గ్రౌండూ నైటూ నైటూ.. వైటు స్కిన్ను గర్ల్ గర్ల్.. గర్లు హార్టూ బ్లాకూ.. లవ్వూ.. లవ్వూ.. ఓ మై లవ్వూ..." అంటూ పాట కుండాల్సిన వ్యాకరణం ప్రక్కన పెట్టి ధనుష్ ఈ పాట రాశారు. ఈ పాట హిట్టవటంతో సంగీతం అందించిన అనిరుధ్ కి విపరీతమైన ఆఫర్స్ వస్తున్నాయి. అమితాబ్,అభిషేక్ బచ్చన్ లు ఈ పాట గురించి తమ ట్విట్టర్ లో రాసి మరింత ప్రాచుర్యం కలిపించారు.