Don't Miss!
- News మేషరాశిలో శుక్ర దహనం.. ఈ రాశులవారికి కెరీర్ లో పెనుసవాళ్లు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
ఏన్నో ఏళ్లుగా ఇండస్ట్రీలో లైంగిక వేధింపులు, నిర్మాతకు కబాలి డైరెక్టర్ షాక్!
#మీటూ ఉద్యమాన్ని సౌత్ ఇండస్ట్రీలో బలోపేతం చేసిన వారిలో సింగర్, డబ్బింగ్ ఆర్టిస్ట్ చిన్మయి పేరు ప్రముఖంగా చెప్పుకోవచ్చు. ప్రముఖ తమిళ లిరిసిస్ట్ వైరముత్తు సెక్సువల్ వేధింపుల విషయం బయట పెట్టి ఆమె సంచలనం క్రియేట్ చేశారు. వైరముత్తు మీద ఆరోపణలు చేసినప్పటి నుంచి ఇండస్ట్రీలో ఆమెకు అవకాశాలు ఇవ్వకుండా ఇబ్బంది పెట్టే ప్రయత్నాలు జరుగుతూనే ఉన్నాయి. చిన్మయిని ఇబ్బంది పెట్టడం, విమర్శించడం వల్ల అలాంటి వేధింపులకు గురైన ఎవరూ కూడా నోరు విప్పకుండా కట్టడి చేసే ప్రయత్నం జరుగుతోంది. ఇటీవల ఓ నిర్మాత ఏకంగా చిన్మయిని నీ అంతు చూస్తానంటూ బెదిరించాడు.
పారా
ఇటీవల తమిళ చిత్రం ‘పారా' ఆడియో వేడుకలో నిర్మాత కె రాజన్ మాట్లాడుతూ... వైరముత్తు పేరు పాడు చేసిన చిన్మయి అంతు చూస్తాను అంటూ బహిరంగంగా బెదిరించాడు. 50 మంది మహిళలను తీసుకొచ్చి దాడి చేయిస్తాను అంటూ షాకింగ్ కామెంట్స్ చేశాడు. అయితే ఇదే ఆడియో వేడుకలో రాజన్ మాటలను ఖండిస్తూ మరో గళం వినిపించింది.
చిన్మయి, శ్రీరెడ్డికి మద్దతుగా పా రంజిత్
ఇదే మూవీ ఆడియో వేడుకలో పాల్గొన్న కబాలి, కాలా దర్శకుడు పా రంజిత్ మాట్లాడుతూ... కె రాజన్ వ్యాఖ్యలను ఖండిస్తూ చిన్మయి, శ్రీరెడ్డి లాంటి వారికి మద్దతుగా మాట్లాడటం గమనార్హం. ఈ విషయం తమిళ ఇండస్ట్రీలో హాట్ టాపిక్ అయింది.
ఏన్నో ఏళ్లుగా ఇండస్ట్రీలో లైంగిక వేధింపులు
కె రాజన్ వ్యాఖ్యలను పా రంజిత్ ఖండిస్తూ... ‘‘మహిళలపై ఇలాంటి కామెంట్స్ చేయకూడదు. ఎన్నో ఏళ్లుగా ఈ ఇండస్ట్రీలో వారు లైంగిక వేధింపులకు గురవుతున్నారు. దాన్ని మనం అంగీకరించాలి. శ్రీరెడ్డి, మరికొందరు ఈ విషయాలను రైజ్ చేశారు.. వారు చేస్తున్న ఆరోపణలపై మనం ఇన్వెస్టిగేషన్ చేయాల్సిన అవసరం ఉంది. అప్పుడే ఈ సమస్యకు ఒక పరిష్కారం అనేది లభిస్తుంది'' అన్నారు.
కంప్లయింట్ చేస్తే ఇబ్బంది పెట్టడం సరికాదు
లైంగిక వేధింపులు ఎదుర్కొన్న మహిళలు తమకు ఎదురైన సంఘటనల గురించి కంప్లయింట్ చేశారనే కారణంతో వారిని ఇబ్బంది పెట్టడం సరికాదు. ఇది సరైన విధానం కాదు, నేను దాన్ని ఖండిస్తున్నాను అని పా రంజిత్ తెలిపారు.
పా రంజిత్పై ప్రశంసలు
సభా ముఖంగా పా రంజిత్... ఒక నిర్మాత తప్పుడు ప్రవర్తనను ఖండిస్తూ ధైర్యంగా మాట్లాడటంపై ప్రశంసలు వెళ్లువెత్తుతున్నాయి. చిన్మయి భర్త రాహుల్ రవీంద్రన్ కూడా ఆయన మాట్లాడిన తీరును ప్రశంసిస్తూ వ్యాఖ్యలు చేయడం గమనార్హం.